وسى جىلدىڭ 5 قاراشاسىندا قازاقستاندا اۋداندارى مەن وبلىستىق ماڭىزى بار قالالار اكىمدەرىنىڭ پيلوتتىق سايلاۋى ءوتتى.
42 اۋدان مەن 3 قالانىڭ باسشىلارى سايلاندى، دەپ حابارلايدى اlmaty-akshamy.kz.
وتكەن سايلاۋدى قازاقستان ءۇشىن تاريحي وقيعا دەپ اتاۋعا بولادى، ويتكەنى مۇنداي دەڭگەيدەگى سايلاۋ العاش رەت ءوتتى. پيلوتتىق سايلاۋ وتكىزۋ تۋرالى شەشىم قازاقستاننىڭ ساياسي جاڭعىرۋ ۇدەرىسىندەگى ماقساتتى قادام جانە جەرگىلىكتى باسشىلاردى تىكەلەي سايلاۋعا كوشۋدىڭ كەڭ ستراتەگياسىنا سايكەس كەلەدى. بۇل ۇدەرىس قازاقستاندىق دەموكراتيانىڭ دامۋىنداعى، ازاماتتاردىڭ ساياساتقا قاتىسۋىن ارتتىرۋداعى، سونداي-اق ساياسي مادەنيەتتىڭ جالپى دەڭگەيىندەگى ماڭىزدى كەزەڭ.
وتكەن سايلاۋ پيلوتتىق بولعانىنا قاراماستان، ازاماتتاردىڭ قاتىسۋىنىڭ جوعارى دەڭگەيىن كورسەتتى. ماسەلەن، ەل بويىنشا سايلاۋشىلاردىڭ كەلۋى 62،8%-دى قۇرادى. بۇل پيلوتتىق سايلاۋ اياسىندا ق ر پارلامەنتى ءماجىلىسى مەن ءماسليحاتتار دەپۋتاتتارىنىڭ سوڭعى سايلاۋىندا كەلۋ 54،2% دەڭگەيىندە تىركەلگەنىن ەسكەرە وتىرىپ، ايتارلىقتاي جوعارى كورسەتكىش. سونىمەن قاتار حالىقتىڭ سايلانبالى لاۋازىمدارعا ۇمىتكەرلەر رەتىندە جەرگىلىكتى سايلاۋعا قاتىسۋعا دەگەن قىزىعۋشىلىعى بايقالادى. ۇمىتكەرلەردى ۇسىنۋ كەزەڭىندە اۋداندار مەن وبلىستىق ماڭىزى بار قالالار اكىمدەرىنىڭ سايلاۋىنا قاتىسۋعا 242 ادام ءوتىنىم بەردى. الىنعان مالىمەتتەردىڭ سايلاۋ تۋرالى زاڭناماعا سايكەستىگىن تەكسەرۋ قورىتىندىسى بويىنشا 161 كانديدات تىركەلدى. ورتاشا باسەكەلەستىك شامامەن 4 ادامدى قۇرادى.