اqshamnews.kz رەداكسياسى "كۇن سانى" ايدارىندا اپتانىڭ ەڭ ماڭىزدى دەرەكتەرىنە شولۋ جاسادى.
0:5
30 قىركۇيەكتە الماتىدا "قايرات" پەن "رەال" اراسىندا UEFA چەمپيوندار ليگاسىنىڭ جالپى كەزەڭىندەگى تاريحي ماچ ءوتتى. جەرگىلىكتى "قايرات" ايگىلى مادريدتىك "رەالعا" قارسى العاش رەت ءوز الاڭىندا ويناپ، 0:5 ەسەبىمەن جەڭىلىپ قالدى.
كيلليان مباپپە داستان ساتپايەۆتىڭ باعاسىنان 100 ەسە قىمبات
تransfermarkt.world مالىمەتىنشە، "قايراتتىڭ" ەڭ قىمبات ويىنشىسى - داستان ساتپايەۆ. جاس جۇلدىزدىڭ ترانسفەرلىك قۇنى - 1،157 ملرد ₸. ودان كەيىن ۆالەريي گرومىكو تۇر. ونىڭ نارىقتاعى قۇنى - 771،5 ملن ₸. ءۇشىنشى ورىندا قۇنى - 514،3 ملن ₸ بولاتىن وفري اراد يەلەندى.
ال حالىق اراسىندا مبوپە اتانعان شەرحان قالمۇرزا مەن تەمىرلان اناربەكوۆتى نارىق 128،6 ملن ₸-گە باعالادى. سونىمەن قايرات ساپىندا نارىقتاعى ەڭ ارزان ويىنشى الەكساندر مرىنسكيي بولدى. ويىنشىنىڭ نارىقتىق قۇنى - 64،3 ملن ₸.
ايتا كەتەيىك، بۇعان دەيىن "رەال مادريد" جۇلدىزدارىنىڭ باعاسى دا بەلگىلى بولعان. كوپتىڭ كراشىنا اينالعان 25 جاستاعى ۆينيسيۋس 109،3 ملرد ₸ باعالانسا، كەشەگى ويىندا 18 جاستاعى قاقپاشىمىزدىڭ باستى قارسىلاسىنا اينالعان كيليان مباپپەنىڭ نارىقتاعى 115،7 ملرد ₸ دەپ بەلگىلەندى. بۇل داستان ساتپايەۆتىڭ باعاسىنان 100 ەسە قىمبات.
قازاقستاندا 772 كوللەدج بار
بۇگىندە قازاقستاننىڭ تەحنيكالىق جانە كاسىپتىك ءبىلىم بەرۋ جۇيەسىندە 772 كوللەدجدە 530 مىڭ ستۋدەنت ءبىلىم الىپ جاتىر. ولارعا 42،8 مىڭ پەداگوگ پەن وقىتۋشى شەبەرلەر ساباق بەرەدى.
جاڭا وقۋ جىلىندا 10 مىڭنان اسا جاس پەداگوگ جۇمىسقا قابىلداندى
وقۋ-اعارتۋ مينيسترلىگىنىڭ مالىمەتىنشە، 2025-2026 وقۋ جىلىندا قازاقستاندىق ءبىلىم بەرۋ ۇيىمدارىنا 10 مىڭنان اسا جاس پەداگوگ جۇمىسقا قابىلداندى.
الماتىدا 2030 جىلعا قاراي تۋبەركۋلوزدى تۇبەگەيلى جويۋ تۋرالى قارار قابىلداندى
2-3 قازانىندا الماتىدا "تۋبەركۋلەزسىز ورتالىق ازيا: ۇلتتىق جەتىستىكتەردەن وڭىرلىك كوشباسشىلىققا" اتتى حالىقارالىق عىلىمي-پراكتيكالىق كونفەرەنسيا جانە شىعىس ەۋروپا مەن ورتالىق ازياداعى تۋبەركۋلەز بويىنشا وڭىرلىك پارلامەنت ءسامميتى ءوتتى.
ءىس-شاراعا شىعىس ەۋروپا جانە ورتالىق ازيا ەلدەرىنىڭ پارلامەنتشىلەرى، دەنساۋلىق ساقتاۋ سالاسىنىڭ باسشىلارى جانە ددسۇ، Stop TB سەرىكتەستىگى جانە باسقا دا حالىقارالىق ۇيىمداردىڭ ساراپشىلارى جينالدى. قاتىسۋشىلار بۇۇ-نىڭ تۋبەركۋلەزگە قارسى ساياسي دەكلاراسياسىن (2023 ج.) جۇزەگە اسىرۋ بارىسىن، تۋبەركۋلەزبەن كۇرەستەگى ازاماتتىق قوعامنىڭ ءرولىن جانە يننوۆاسيالاردى تالقىلادى.