كۇدىكتىلەردى ۇستاۋ ءىس-شاراسىن قالالىق كريمينالدىق پوليسيا قىزمەتكەرلەرى ارىپتەستەرىمەن جانە الاتاۋ اۋداندىق پب مەن پوليسيانىڭ ارنايى جاساقتارىمەن بىرلەسىپ جۇرگىزدى. تەرگەۋدىڭ وسى كەزەڭىندە بەس كۇدىكتىنىڭ 11 ۇرلىققا قاتىسى بار ەكەندىگى بەلگىلى بولدى.
– كۇدىكتىلەر ستاندارتتى تىزبەك بويىنشا ارەكەت ەتتى: ولار ءۇي يەلەرىنىڭ بار-جوعىن تەكسەردى، ۇيگە كىرىپ، بايقاتپاي الىپ كەتۋگە بولاتىن بارلىق زاتتى – التىن بۇيىمداردى، قولما-قول اقشانى جانە تۇرمىستىق زاتتاردى الىپ كەتتى. سوڭعى قىلمىستى كۇدىكتىلەر نۇركەنت شاعىن اۋدانىندا جاساعان. كۇدىكتىلەر كىلتتى تاڭداۋ ارقىلى پاتەرگە زاڭسىز كىرىپ، جالپى سوماسى 500 مىڭ تەڭگەنىڭ جەكە مۇلكىن ۇرلاعان. ولار ۇستالىپ، قاماۋعا الىندى. قىلمىستىق توپتىڭ قالانىڭ الاتاۋ، المالى، بوستاندىق جانە تۇركسىب اۋداندارىندا ۇرلىق جاساعانى بەلگىلى بولدى، – دەدى، الماتى قالالىق پوليسيا دەپارتامەنتى باستىعىنىڭ ورىنباسارى قۋاتبەك ناۋاتوۆ.
كۇدىكتىلەر قازاقستاننىڭ باسقا ايماقتارىنان كەلگەن، بۇرىن دا وسىعان ۇقساس قىلمىستار جاساعانى ءۇشىن سوتتالعاندار.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.
ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.