«قازگيدرومەت» سينوپتيكتەرى 11 تامىزعا ارنالعان اۋا رايى بولجامىن ۇسىندى، دەپ حابارلايدى almaty-akshamy.kz
سيكلون جانە ونىمەن بايلانىسقان اتموسفەرالىق فرونتتار رەسپۋبليكانىڭ سولتۇستىگى، شىعىسى مەن وڭتۇستىك-شىعىسىنداعى اۋا رايىنا اسەر ەتەدى.
وسىعان بايلانىستى سولتۇستىكتە جانە سولتۇستىك-شىعىستا قاتتى جاڭبىر جاۋادى، جەكەلەگەن اۋدانداردا نايزاعاي جارقىلداپ، بۇرشاق جاۋادى. كەي جەرلەردە تۇمان تۇسەدى.
ەلىمىزدىڭ قالعان وڭىرلەرىندە ايتارلىقتاي جاۋىن-شاشىن جوق، كۇن اشىق بولادى. باتىس اۋدانداردا اپتاپ ىستىق ساقتالادى.
رەسپۋبليكا بويىنشا كەي جەرلەردە جەل كۇشەيەدى.
سولتۇستىك قازاقستان، پاۆلودار وبلىستارىنىڭ كەي جەرلەرىندە نايزاعاي، بۇرشاق پەن تۇمان كۇتىلەدى. جەل قارقىنى 15-20 م/س دەيىن كۇشەيەدى.
قوستاناي وبلىسىنىڭ كەي جەرلەرىندە كۇن كۇركىرەپ، تۇمان تۇسەدى. جەل ەكپىنى - 15-20 م/س.
اقمولا وبلىسىنىڭ كەي جەرلەرىندە نايزاعاي وينايدى، بۇرشاق جاۋادى. سەكۋندىنا 15-20 مەتر جىلدامدىقپەن جەل سوعادى.
جامبىل وبلىسىندا شاڭدى داۋىل كوتەرىلەدى. كۇندىز قىزىلوردا، باتىس قازاقستان وبلىستارىنىڭ كەي جەرلەرىندە جەل قارقىنى 15-20 م/س جەتەدى.
اقتوبە وبلىسىنىڭ كەي جەرلەرىندە، الماتى وبلىسىنىڭ تاۋلى اۋداندارىندا نايزاعاي بولجانادى.
شىعىس قازاقستان وبلىسىنىڭ كەي جەرلەرىندە كۇن كۇركىرەيدى. جەلدىڭ كۇشى - 15-20 م/س توڭىرەگىندە.
كۇندىز اتىراۋ وبلىسىندا وتە قاتتى ىستىق ساقتالادى.
ماڭعىستاۋ، باتىس قازاقستان وبلىستارىنىڭ باسىم بولىگىندە قاتتى ىستىق، كەي جەرلەرىندە دە اپتاپ ىستىق بولادى.
قىزىلوردا، تۇركىستان، ماڭعىستاۋ، اتىراۋ، جامبىل، اقتوبە وبلىستارىنىڭ باسىم بولىگىندە، الماتى، قاراعاندى، باتىس قازاقستان وبلىستارىنىڭ كەي جەرلەرىندە، قوستاناي، شىعىس قازاقستان وبلىستارىنىڭ وڭتۇستىگىندە، اقمولا وبلىسىنىڭ جەكەلەگەن اۋداندارىندا توتەنشە ءورت ءقاۋپى ساقتالادى.