پويىز تاۋلىگىنە ءبىر رەت جۇرەدى
11 قاراشادان قونايەۆ قالاسىنان الماتىعا پويىز قاتىناي باستايدى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى Almaty-akshamy.kz.
«پويىز تاۋلىگىنە ءبىر رەت جۇرەدى. جىلجىمالى قۇرام الماتى-1 ستانسياسىنان ساعات 06:44-تە جونەلتىلىپ، قاپشاعاي ستانسياسىنا ساعات 08:35-تە كەلەدى. ال قاپشاعاي ستانسياسىنان ساعات 19:15-تە جونەلتىلىپ، الماتى-1 ستانسياسىنا ساعات 20:50-دە كەلەدى. پويىز قۇرامىندا جالپى جولاۋشىلار سىيىمدىلىعى 175 ورىندى قۇرايتىن 3 ۆاگون بار»، - دەدى ۆەدومستۆونىڭ باسپا ءسوز قىزمەتىنەن.
بۇعان دەيىن قونايەۆ قالاسىنىڭ اكىمى نۇرلان قۇماتايەۆ پويىز توقتايتىن پلاتفورمانى جوندەۋ، اباتتاندىرۋ جۇمىستارى اياقتالۋعا جاقىن ەكەنىن ايتقان بولاتىن.
ەسكە سالايىق، 19 قازاندا الماتى وبلىسىنا جۇمىس ساپارىمەن بارعان مەملەكەت باسشىسى الماتى مەن قونايەۆ قالالارىنىڭ اراسىنداعى ەلەكتر پويىزىن قايتا ىسكە قوسۋدى تاپسىرعان بولاتىن.