وتەلمەگەن قارىزدار 802 ملرد تەڭگە
قازاقستانداعى جەكە تۇلعالاردىڭ مونىنداعى نەسيەنىڭ جالپى سوماسى 13 ترلن تەڭگەدەن اسقان، دەپ حابارلايدى Almaty-akshamy.kz قارجى نارىعىن رەتتەۋ جانە دامىتۋ اگەنتتىگىنە سىلتەمە جاساپ.
«جەكە تۇلعالاردىڭ كرەديتتەرى 2022 جىلعى قىركۇيەكتە 2،5% ۇلعايىپ، 13،1 ترلن تەڭگە بولدى (جىل باسىنان بەرى 21،6% ءوستى). جەڭىلدەتىلگەن مەملەكەتتىك يپوتەكالىق باعدارلامالاردى جالعاستىرۋ ناتيجەسىندە يپوتەكالىق كرەديتتەۋدىڭ 3،3% نەمەسە 4،3 ترلن تەڭگەگە دەيىن ۇلعايعان. سونداي-اق، تۇتىنۋ قارىزدارىنىڭ 2،3% نەمەسە 7،2 ترلن تەڭگەگە دەيىن وسكەن»، - دەلىنگەن اگەنتتىك حابارلاماسىندا.
ۆەدومستۆو دەرەگىنە سۇيەنسەك، 1 قازانداعى جاعداي بويىنشا، بانك سەكتورى بويىنشا وتەلمەگەن قارىزداردىڭ دەڭگەيى 802 ملرد تەڭگەگە جەتىپ، جالپى نەسيە پورتفەلىنىڭ 3،6%-ىن قۇراعان. بۇل كورسەتكىش باسىندا 3،3% نەمەسە 669 ملرد تەڭگە بولاتىن.
«شاعىن جانە ورتا بيزنەستى قوسا العاندا تۇلعالاردىڭ پورتفەلىندە تولەۋ مەرزىمى 90 كۇننەن ارتىق كەشىكتىرىلگەن قارىزداردىڭ ۇلەسى 3،5% نەمەسە 349 ملرد تەڭگە بولىپ وتىر. جەكە تۇلعالاردىڭ پورتفەلىندە بۇل كورسەتكىش 3،7% نەمەسە 453 ملرد تەڭگە. جۇمىس ىستەمەيتىن قارىزداردى پروۆيزيالارمەن جابۋ 72،8%-دى قۇرايدى»، - دەدى اگەنتتىك.