ساتىپ الۋ قۇقىعىنسىز جالعا بەرىلەتىن تۇرعىن ءۇي بەس جىل مەرزىمگە بەرىلەدى
الداعى ءۇش جىلدا استانا، الماتى جانە شىمكەنت قالالارىندا جاستار ءۇشىن جالعا بەرىلەتىن 12 مىڭ پاتەر سالىنادى، دەپ حابارلايدى Almaty-akshamy.kz ق ر ييدم باسپا ءسوز قىزمەتىنە سىلتەمە جاساپ.
"قۋاتتى وڭىرلەر – ەل دامۋىنىڭ درايۆەرى" ۇلتتىق جوباسىنا سايكەس، 2025 جىلعا دەيىن جىل سايىن 3 مىڭ پاتەر سالۋ جانە ساتىپ الۋ كوزدەلىپ وتىر. بيىل وسى ماقساتتا رەسپۋبليكالىق بيۋدجەتتەن 21،6 ملرد تەڭگە قاراستىرىلعان.
«ساتىپ الۋ قۇقىعىنسىز جالعا بەرىلەتىن تۇرعىن ءۇي بەس جىل مەرزىمگە بەرىلەدى. وسى كەزەڭ ىشىندە جاستاردىڭ ءوز باسپاناسىنىڭ باستاپقى جارناسىن جيناۋ مۇمكىندىگى تۋماق. ال كەيىننەن بوساعان تۇرعىن ءۇي كەلەسى ۇمىتكەرلەرگە بەرىلەدى. جالپى العاندا، 2019 جىلدان بەرى "نۇرلى جەر" مەملەكەتتىك باعدارلاماسى شەڭبەرىندە جۇمىس ىستەيتىن جاستارعا ەلىمىزدەگى ءۇش مەگاپوليستە 7 مىڭعا جۋىق جالعا بەرىلەتىن پاتەر سالىندى»، - دەلىنگەن حابارلامادا.