ءقازىر ونىڭ ومىرىنە ءقاۋىپ ءتونىپ تۇرعان جوق.
شىمكەنتتە 11-قاباتتان سەكىرمەك بولعان قىز قۇتقارىلدى، دەپ حابارلايدى Almaty-akshamy.kz ق ر ءىىم باسپا ءسوز قىزمەتىنە سىلتەمە جاساپ.
شىمكەنت تۇرعىنىن قۇتقارۋ ءساتى پوليسەيلەردىڭ بەينەجەتونىنا ءتۇسىپ قالعان.
«24 قاراشانىڭ كەشكى ۋاقىتىندا جەدەل باسقارۋ ورتالىعىنىڭ 102 ارناسىنا بەلگىسىز ازاماتشانىڭ كوپپاتەرلى ءۇيدىڭ 11-قاباتىنداعى ورتاق بالكوننان سەكىرۋگە وقتالىپ تۇرعانى تۋرالى حابارلاما ءتۇستى. شاقىرتۋ بويىنشا تەز ارادا پاترۋلدىك پوليسيا پولكىنىڭ اۆتوەكيپاجدارى جولداندى. وقيعا ورنىنا جەتكەن ءتارتىپ ساقشىلارى بالكوننىڭ قورشاۋىنا شىعىپ تۇرعان قىزدى كورەدى. ازاماتشانىڭ نازارى ءبىر ساتكە اۋعانىن پايدالانىپ، ينسپەكتور نۇرجان ايداروۆ ونى ءقاۋىپسىز جەرگە شىعارىپ ۇلگەردى»، - دەلىنگەن حابارلامادا.
قىزبەن پروفيلاكتيكالىق سۇحبات جۇرگىزىلدى. ونىڭ بۇل قادامعا جەكە ماسەلەلەرىنە بايلانىستى بارعانى بەلگىلى بولدى. ءقازىر ونىڭ ومىرىنە ءقاۋىپ ءتونىپ تۇرعان جوق.