دەمالىس كۇندەرىنە ارنالعان ۆاليۋتا باعامى.
ۇلتتىق بانكى 25-27 قاراشا ارالىعىنداعى شەتەل ۆاليۋتالارىنىڭ رەسمي باعامىن جاريالادى، دەپ حابارلايدى Almaty-akshamy.kz
كەشە ساۋدا-ساتتىق اشىلعان ساتتەن باستاپ جانە كۇنى بويى تەڭگە بارلىق شەتەل ۆاليۋتالارىنا قاتىستى قايتادان السىرەدى. ال دەمالىس كۇندەرى امەريكالىق دوللار 463،09 تەڭگەگە باعالاندى، بۇل وتكەن اپتاداعىدان 0،3 تەڭگەگە جوعارى.
ەۋرو دا ايتارلىقتاي نىعايدى، الداعى ءۇش كۇندەگى باعام 504،86 تەڭگەنى قۇراپ، وتكەن دەمالىستاعىدان 2،69 تەڭگەگە جوعارى بولدى.
رەسەي ۆاليۋتاسىن 5،21 تەڭگەگە ساتىپ الۋعا بولادى. مۇندا وتكەن اپتادان بەرى ءوسىم 0،01 تەڭگە بولدى، ويتكەنى ءرۋبلدىڭ ءوزى سوڭعى پروبلەمالىق ايلارمەن سالىستىرعاندا ءقازىر ايتارلىقتاي ءبىرقالىپتى. ۆاليۋتا باعامى 2023 جىلدىڭ ماۋسىم ايىنىڭ اياعىنداعى دەڭگەيگە قايتا ورالدى.
ال يۋان باعامى – 64،73 تەڭگە.
ءبىر كۇن بۇرىن ق ر ۇلتتىق بانكى بازالىق مولشەرلەمەنى +/– 1 پايىزدىق تارماق دالىزىمەن جىلدىق 15،75%-عا دەيىن تاعى دا تومەندەتكەن بولاتىن.