بالۋان شولاق اتىنداعى سپورت سارايىندا الماتىدا 25-26 قاراشا ارالىعىندا وتەتىن ەستەتيكالىق توپتىق گيمناستيكادان جاسوسپىرىمدەر اراسىنداعى الەم چەمپيوناتى مەن IFAGG Trophy 2023 اشىلدى. الەمدىك جىل سايىنعى بىرىنشىلىك الماتى قالاسى اكىمدىگىنىڭ قولداۋىمەن قازاقستان مەن ازيادا العاش رەت وتۋدە، دەپ حابارلايدى almaty-akshamy.kz
اشىلۋ سالتاناتىنا الماتى قالاسىنىڭ اكىمى ەربولات دوسايەۆ، حالىقارالىق ەستەتيكالىق توپتىق گيمناستيكا فەدەراسياسىنىڭ پرەزيدەنتى ليليا موروزوۆا جانە قازاقستاننىڭ ەستەتيكالىق توپتىق گيمناستيكا فەدەراسياسىنىڭ پرەزيدەنتى ءمادينا بەكتۇرعانوۆا قاتىستى.
جارىسقا الەمنىڭ 16 ەلىنەن 52 كوماندا قاتىسادى، ولار اۆستريا، بولگاريا، گرەسيا، يتاليا، يسپانيا، سەربيا، فرانسيا، يزرايل، ەگيپەت، جاپونيا، مالايزيا، اقش، قىرعىزستان، قازاقستان، رەسەي، بەلارۋس. ەرەسەكتەر مەن جاسوسپىرىمدەر جانە ارالاس كوماندالار اراسىندا 8 مەدال جيىنتىعى ساراپقا سالىنادى.
الەم چەمپيوناتىندا قازاقستاننىڭ نامىسىن مىنا كوماندالار قورعايدى - Sunrise (الماتى)، Freedom (الماتى)، Carmelites (شىمكەنت) جانە Aphrodite (استانا)، سونىمەن قاتار، جاسوسپىرىمدەر اراسىنداعى الەم چەمپيوناتىندا Kerbez Elite (الماتى)، Samruk (استانا)، Alan-Junior (استانا) جانە Grace (الماتى) جانە IFAGG Trophy 2023 قىسقا، ۇزاق باعدارلامادا جانە ارالاس كوماندالار اراسىندا – سەنورلار (ارالاس كوماندالار) وlimp Mix ۇزاق باعدارلاماسى (الماتى)، سەنورلار (ايەلدەر) قىسقا باعدارلاما - Kerbez رrima (الماتى)، Space (استانا)، ەffect (الماتى) جانە Favorite (شقو)، جاسوسپىرىمدەر (ارالاس كوماندالار) Vial Mix (الماتى) ۇزاق باعدارلاماسى، جاسوسپىرىمدەر (ايەلدەر) قىسقا باعدارلاما - Alan-Fortuna (استانا)، Alan-Legenda (استانا)، Umai (الماتى)، Junior - Liberty (شىمكەنت)، سەنورلار (ارالاس كوماندالار) قىسقا باعدارلاما – Vintage (الماتى).
جارىستىڭ سوڭعى كۇنى – 26 قاراشادا حالىقارالىق ەستەتيكالىق توپتىق گيمناستيكا فەدەراسياسىنىڭ (IFAGG) 20 جىلدىعىنا ارنالعان گالا-كونسەرت وتەدى.
الەم چەمپيوناتى اياسىندا 23-24 قاراشادا ءتورت قۇرلىق چەمپيوناتىنىڭ جانە گيمناستيكادان «Almaty Cup» حالىقارالىق ءتۋرنيرى ءوتىپ، وعان بالالار دا قاتىستى.
الەم چەمپيوناتىن الماتى قالاسى اكىمدىگىنىڭ قولداۋىمەن قازاقستان رەسپۋبليكاسى تۋريزم جانە سپورت مينيسترلىگى، حالىقارالىق ەستەتيكالىق توپتىق گيمناستيكا فەدەراسياسى (IFAGG)، قازاقستاننىڭ ەستەتيكالىق توپتىق گيمناستيكا فەدەراسياسى ۇيىمداستىردى.
