شاعىن بيزنەستى نەسيەلەۋ وتكەن جىلدىڭ وسى كەزەڭىمەن سالىستىرعاندا 1،4 ەسە ارتتى.
الماتى اكىمى باقىتجان ساعىنتايەۆ «الماتى» تا-داعى Akimat Live باعدارلاماسىنىڭ تىكەلەي ەفيرىندە پاندەميانىڭ بارلىق قيىندىقتارىنا جانە وعان بايلانىستى شەكتەۋلەرگە قاراماستان، مەگاپوليس ءوز الەۋەتىن ارتتىرۋدى جالعاستىرىپ، قالپىنا كەلتىرۋدىڭ جوعارى قارقىنىن كورسەتىپ وتىرعانىن ايتتى، دەپ حابارلايدى Almaty-akshamy.kz
ب. ساعىنتايەۆتىڭ ايتۋىنشا، اعىمداعى جىلدىڭ قاڭتار-قاراشا ايلارىندا قىسقا مەرزىمدى ەكونوميكالىق ينديكاتور 108،7%-دى قۇرادى. ونەركاسىپتە 20،1%-عا، قۇرىلىستا – 20%-عا، بايلانىس قىزمەتتەرىندە – 13،8%-عا، ساۋدادا – 5،1%-عا ءوسۋ قامتاماسىز ەتىلدى.
ينۆەستيسيالاردى تارتۋدا جوعارى ديناميكا بايقالادى. نەگىزگى كاپيتالعا سالىنعان ينۆەستيسيالار كولەمى 17،5% وسىممەن 1 014،4 ملرد تەڭگەنى (قر-داعى ۇلەسى – 9%) قۇرادى.
سونداي-اق بيۋدجەت كىرىستەرى ءوسىمىنىڭ جوعارى قارقىنى قامتاماسىز ەتىلدى. 2021 جىلدىڭ 11 ايىنىڭ قورىتىندىسى بويىنشا مەملەكەتتىك بيۋدجەتكە سالىقتار مەن تولەمدەردىڭ 28،7% وسىمىمەن.2 ترلن 558،7 ملرد تەڭگە ءتۇستى.
ەكونوميكانى قالپىنا كەلتىرۋ مەملەكەتتىك باعدارلامالاردى بەلسەندى ىسكە اسىرۋ جانە نەسيەلەۋدى كەڭەيتۋمەن قاتار ءجۇردى.
اتاپ ايتقاندا، قالا اكىمى اتاپ وتكەندەي، Almaty Finance جانە «الماتى مقۇ» جەلىسى بويىنشا جالپى سوماسى 513 ملن تەڭگەگە 9 جوبا قارجىلاندىرىلدى. «بيزنەستىڭ جول كارتاسى – 2025» مەملەكەتتىك باعدارلاماسى اياسىندا گرانتتار بەرىلەدى، ال بەلسەندىلىگى تومەن اۋدانداردا شوب ىنتالاندىرۋ ءۇشىن 5%-بەن نەسيە بەرىلەدى.
جالپى، شاعىن بيزنەستى نەسيەلەۋ وتكەن جىلدىڭ وسى كەزەڭىمەن سالىستىرعاندا 1،4 ەسە ارتىپ، 1 ترلن 835،9 ملرد تەڭگەنى قۇرادى.
سونداي-اق، شوب ءۇشىن «قاراپايىم زاتتار ەكونوميكاسى» جانە «بيزنەستىڭ جول كارتاسى» باعدارلامالارى جۇمىس ىستەيدى. ولار ءوز تيىمدىلىگىن دالەلدەدى، سوندىقتان ولاردى جۇزەگە اسىرۋ كەلەسى جىلى دا جالعاسادى.
الماتىدا جىل باسىنان بەرى دەر كەزىندە قابىلدانعان شارالاردىڭ ارقاسىندا 55 مىڭنان استام جۇمىس ورنى تۇراقتى جۇمىسپەن 35 935 ادام، ۋاقىتشا جۇمىسپەن – 19 106 ادام قامتاماسىز ەتىلدى) قۇرىلدى. ناتيجەسىندە جۇمىسسىزدىق بۇگىندە 5،1%-دى قۇرايدى.
بۇدان باسقا، يندۋستريالدى ايماقتا 79،7 ملرد تەڭگە سوماسىنا 17 جوبا ىسكە اسىرىلدى، 154،9 ملرد تەڭگەگە ءونىم ءوندىرىلدى، 2،6 مىڭنان استام جۇمىس ورنى قۇرىلدى.
جىل سوڭىنا دەيىن يندۋستريالدى ايماقتا 519 جۇمىس ورنى قۇرىلاتىن 4 جاڭا جوبانى (38،6 ملرد) ىسكە قوسۋ جوسپارلانۋدا. ولاردىڭ قاتارىندا شەتەلدىڭ قاتىسۋىمەن پتر-تەستىلەرىنىڭ ءوندىرىسى بويىنشا («كاز-ديا-تەست» ج ش س) ماڭىزدى جوبا بار.