الماتى وبلىسىنىڭ جالاڭاشكول اۋدانىندا جەلدىڭ كۇشى 28 م/س كۇشەيەدى
17 ءساۋىر كۇنى ق ر اۋماعىنىڭ باسىم بولىگىندە جاۋىن-شاشىنسىز اۋا رايى كۇتىلەدى. ەلدىڭ تەك ورتالىعى، سولتۇستىگى مەن وڭتۇستىگىنىڭ جەكەلەگەن جەرلەرىندە اتموسفەرالىق فرونتالدى بولىكتەردىڭ وتۋىنە بايلانىستى جاڭبىر جاۋادى. وڭتۇستىكتە سونداي-اق نايزاعاي بولجانادى. رەسپۋبليكا بويىنشا ەكپىندى جەل تۇرىپ، باتىستا سونىمەن بىرگە تۇمان بولادى، دەپ حابارلايدى Almaty-akshamy.kz «قازگيدرومەت» رمك-عا سىلتەمە جاساپ.
اتاپ ايتقاندا، تۇركىستان وبلىسىنىڭ تاۋلى اۋداندارىندا كۇندىز نايزاعاي كۇتىلەدى، تاۋلى اسۋلاردا جەلدىڭ جىلدامدىعى 15-20 م/س جەتەدى. الماتى وبلىسىنىڭ جالاڭاشكول اۋدانىندا جەلدىڭ كۇشى 28 م/س كۇشەيەدى.
شىعىس قازاقستان وبلىسىنىڭ وڭتۇستىگىندە، قىزىلوردا وبلىسىنىڭ ورتالىعىندا، كۇندىز سولتۇستىك قازاقستان وبلىسىنىڭ سولتۇستىك-شىعىسىندا، جامبىل وبلىسىنىڭ سولتۇستىك-شىعىسىندا جانە تاۋلى اۋداندارىندا جەل 15-20 م/س كۇشەيەدى.
تاڭەرتەڭ اتىراۋ وبلىسىنىڭ وڭتۇستىگىندە تۇمان بولادى.