قاسىم-جومارت توقايەۆ وليمپيادا ويىندارىنىڭ اشىلۋ سالتاناتىنا قاتىسا ما؟
قازاقستان پرەزيدەنتى قاسىم-جومارت توقايەۆ پاريجدە وتەتىن وليمپيادا ويىندارىنا بارمايدى، دەپ حابارلايدى Almaty-akshamy.kz مەملەكەت باسشىسىنىڭ كەڭەسشىسى جانە باسپا ءسوز حاتشىسى بەرىك ءۋاليدىڭ سوزىنە سىلتەمە جاساپ.
بەرىك ءۋالي پرەزيدەنت كەستەسىندە مۇنداي ساپار قاراستىرىلماعانىن ناقتىلادى.
"پرەزيدەنت قاسىم-جومارت توقايەۆتىڭ جۇمىس كەستەسىندە پاريجدەگى وليمپيادا ويىندارىنىڭ اشىلۋ سالتاناتىنا قاتىسۋ قاراستىرىلماعان" دەدى ول.
بۇدان بۇرىن پرەزيدەنتتىڭ 2024 جىلدىڭ 23-26 شىلدە ارالىعىندا دەمالىستا بولاتىنىن حابارلاعانبىز. پاريجدەگى جازعى وليمپيادا ويىندارى 26 شىلدە مەن 11 تامىز ارالىعىندا وتەدى.