بيىل نينا كرىلوۆا جۇزگە تولعان مەرەيتويىن اتاپ ءوتتى. الماتى تۇرعىنى قاي جاستا دا ءوزىنىڭ ازاماتتىق ۇستانىمىن كورسەتۋگە ەشقاشان كەش ەمەس ەكەنىنە سەنىمدى. ويتكەنى ونىڭ بالالارى، نەمەرەلەرى مەن شوبەرەلەر قانداي مەملەكەتتە تۇراتىنى بۇگىن شەشىلىپ جاتىر.
نينا كرىلوۆا ءوزىنىڭ قارتايعان شاعىندا دا بەلسەندى بولا وتىرىپ، ۇيدە داۋىس بەرۋدى ۇيىمداستىرۋدى ءوتىندى. كوشپەلى سايلاۋ كوميسسياسى ارداگەردىڭ ءوتىنىشىن قاناعاتتاندىردى.
«مەن ەلدىڭ گۇلدەنگەن بولاشاعى ءۇشىن داۋىس بەرەمىن»، – دەدى زەينەتكەر.
نينا افاناسيەۆنا ءوز داۋىرىندە كوپ نارسەنى كورۋگە ءماجبۇر بولدى. ول ورتالىق مايداندا سوعىسىپ، ماسكەۋدى قورعاۋعا قاتىستى. ۇلى وتان سوعىسى اياقتالعاننان كەيىن تۇرمىسقا شىعىپ، ۇل مەن قىز تۋدى. №8 بالاباقشادا پەداگوگ-تاربيەشى بولىپ جۇمىس ىستەدى. ارداگەر اپامىزدىڭ جاۋىنگەرلىك ناگرادالاردان باسقا، ەڭبەك قىزمەتى ءۇشىن گراموتالارى دا بار.