الماتى قالاسىنىڭ ورتالىق كومۋنيكاسيالار قىزمەتىندە ساعات 20:30-21:15-تە ارالىعىندا «داۋىس بەرۋدى اياقتاۋ تۋرالى» وفلاين-بريفينگ بولدى.
بۇعان الماتى قالاسى بويىنشا باقىلاۋشىلار كاپيتانى، «قوعامدىق جوبا» قب ديرەكتورى براتەنكوۆ الەكساندر يۆانوۆيچ، الماتى قالاسى «ازاماتتىق باستاما ورتالىعى» قب ۇكىمەتتىك ەمەس ۇيىمى شتابىنىڭ جەتەكشىسى قۇدىشيەۆا بوتاگوز قينايات قىزى، ەكونوميست، قوعام قايراتكەرى بەكنۇر قيسىقوۆ قاتىستى.
جيىندا مەگاپوليستەگى سايلاۋ ۋچاسكەلەرىنىڭ داۋىس بەرۋ جاعدايى، العاشقى ناتيجەلەر، قالالىقتاردىڭ بەلسەندىلىگى ت.ب. قورىتىندى تۇجىرىمدار ءمالىم ەتىلدى.
– ءبىز كوپ كۇتكەن رەفەرەندۋم دا اياقتالىپ كەلەدى. كەزىندە ماحاتما گاندي ايتىپتى «وزگەرىستى قالاساڭىز، وزىڭىزدەن باستاڭىز» دەپتى. سوندىقتان دا ايتارىمىز «جاڭا قازاقستاندى» قۇرامىز دەسەك، ءاربىرىمىز اتسالىسۋىمىز كەرەك. قوعامدىق مەكەمەلەر ءبارى دە بۇل شارانى بارىنشا باقىلاپ ءوز باعاسىن بەردى دەپ ويلايمىز، – دەدى ب.قينايات قىزى.
بريفينگتە قالامىزداعى سايلاۋدىڭ احۋالى توڭىرەگىندە الماتى قالاسى بويىنشا باقىلاۋشىلار كاپيتانى، «قوعامدىق جوبا» قب ديرەكتورى براتەنكوۆ الەكساندر يۆانوۆيچ ايتىپ بەردى.
– الماتى قالاسىنداعى رەفەرەندۋم ۋچاسكەلەرىندەگى جۇمىس قىزۋ ءوتتى دەپ سانايمىز. بارلىق رەسپۋبليكا اۋماعىندا 50 %-دان اسقانى ايقىن. بۇل جولعى رەفەرەندۋم وزگەسىنەن وزگەرەك بولدى. حالىق پوزيتيۆ كورسەتتى. ءاربىر وزگەرىستى قالاعان ازاماتتار ءوز داۋسىن بەردى. مەنىڭ ويىمشا بۇل ۇلكەن مەرەكە دەپ سانايمىن، – دەدى ا.براتەنكوۆ.
سونداي-اق، الەكساندر يۆانوۆيچ ەلەكتورات، جاستاردىڭ وسىنداي ماڭىزدى شاراعا قاتىسۋى، زاڭ بۇزۋشىلىقتار ت.ب. كوپتەگەن تاقىرىپتاردى ءتۇرتىپ ءوتتى.
– ءبىزدىڭ ويىمىزشا، ەلەكتوراتتىڭ، ونىڭ سىرتىندا جاستاردىڭ بەلسەندىلىك تانىتىپ، ءوز تاڭداۋىن جاسايتىن ورنى ول – رەفەرەندۋم. ويتكەنى رەفەرەندۋمنىڭ بولاشاققا بەرەر پايداسى زور. سول سەبەپتىدە، ءارتۇرلى پيعىلداعى جانداردىڭ ارانداتۋىنا نازار اۋدارماعان ابزال. ونداي ساتتەر وسىنداي القالى جيىنداردا ورىن الىپ جاتادى. ول جاعى جاسىرىن ەمەس. سونداي-اق، الماتىعا كەلىپ داۋىس بەرگىسى كەلگەندەر بولدى. ءبىراق تىركەۋى بولماعان جاعدايدا، ولارعا ءوز تۇرعىلىقتى جەرى بويىنشا كەڭەستەر ايتىلدى. بۇل ءبىزدىڭ ورتاق قۇندىلىعىمىز ەكەندىگىن ۇعىنعان ءجون، – دەپ قوستى ول.
مەگاپوليستەگى سايلاۋ ۋچاسكەلەرىندەگى بەلسەندىلىك، حالىقتىڭ كەلۋى، باسقا وڭىرلەرمەن سالىستىرمالى جاعى تۋرالى وي-پىكىرلەر كەلتىرىلدى.
– ءبىر فەنومەن ايتايىن. ءبارىمىز ساندىق تەحنولوگياعا كوشىپ بارامىز. مۇمكىن بولاشاقتا ەلەكتورندى داۋىس بەرۋگە كوشۋىمىز مۇمكىن. جالپى ۆاشينگتون، نيۋ-يورك، ستامبۋل سىندى الىپ شاھارلاردا بەلسەندىلىك تومەندەۋ. نەلىكتەن ولاي ەكەندىگىن، ەشكىم بىلمەيدى. ونداي جاعدايلارعا قاراعاندا قالامىزدا بەلسەندىلىك جوعارى بولدى دەپ ايتا الامىز، – دەدى ب.قيسىقوۆ.