ايەلدەردىڭ ساياسي بەلسەندىلىگى مەن كوشباسشىلىق قاسيەتىن ارتتىرۋعا باعىتتالعان ترەنينگتەر اياقتالدى.
ءىس-شارانى قازاقستانداعى «بۇۇ-ايەلدەر» قۇرىلىمى ق ر مادەنيەت جانە اقپارات مينيسترلىگىنىڭ جانە ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ قولداۋىمەن ۇيىمداستىردى، دەپ حابارلايدى aqshamnews.kz مادەنيەت جانە اقپارات مينيسترلىگىنە سىلتەمە جاساپ.
ترەنينگتەر كوكشەتاۋ، ورال، وسكەمەن، پەتروپاۆل جانە شىمكەنت قالالارىندا ءوتتى. وعان سايلاۋعا تۇسكەن نەمەسە جوسپارلاعان 100-دەن استام ايەل، ۇەۇ باسشىلارى، ازاماتتىق قوعام بەلسەندىلەرى قاتىستى.
ءۇش كۇندىك وقۋ باعدارلاماسى ساياسي كوشباسشىلىق پەن ناۋقاندى باسقارۋدىڭ نەگىزگى ماسەلەلەرىن قامتىدى.
ءبىرىنشى كۇنى قاتىسۋشىلار ترانسفورماسيالىق كوشباسشىلىق قاعيداتتارىمەن تانىستى.
ەكىنشى كۇنى سايلاۋ وكرۋگىن تالداۋ، ساياسي پارتيالارمەن جۇمىس ىستەۋ جانە جەكە وقيعانى بايانداۋ نەگىزدەرى ۇيرەتىلدى.
ءۇشىنشى كۇن سايلاۋشىلارمەن ستراتەگيالىق ءوزارا بايلانىس، فاندرايزينگ جانە قارجىلىق جوسپارلاۋ تاقىرىبىنا ارنالدى.
ترەنينگ سوڭىندا قاتىسۋشىلارعا سەرتيفيكاتتار ۇسىنىلىپ، ساراپشىلار تاراپىنان باعا بەرىلىپ، ۇسىنىستار ايتىلدى.