بۇل ەرەكشە مۋزەي Yandex Qazaqstan-نىڭ باستاماسىمەن جۇزەگە اسىرىلدى. IT-كومپانياسى سيفرلىق تەحنولوگيالاردىڭ ەۆوليۋسياسىن كورسەتەتىن اقىلدى قالالىق كەڭىستىك قۇرىپ، مۇندا كەلۋشىلەر تەحنولوگيالاردىڭ دامۋى مەن ۆيدەو ويىنداردىڭ تاريحىمەن تانىسىپ، بۇگىنگى كۇنى ولاردىڭ قالاي دامىپ جاتقانىن بىلە الادى، دەپ حابارلايدى aqshamnews.kz.
ياندەكس مۋزەيدەگى ەكسكۋرسيالار تەگىن وتەدى.
مۋزەي قوناقتارى ەسەپتەۋ تەحنيكاسىنىڭ ەۆوليۋسياسىنىڭ نەگىزگى كەزەڭدەرىن قامتيتىن ينتەراكتيۆتى ەكسپوزيسيانى كورە الادى. مىسالى، ءار ءتۇرلى داۋىردەگى باستى كومپيۋتەرلەر — Commodore 64، ZX Spectrum، Atari 65XE، Macintosh Performa 630، IBM PC 300GL، Apple iMac G3 سىندى اتاقتى قۇرىلعىلار، سونداي-اق بالا كەزدەن تانىس ويىن كونسولدەرى: العاشقى Sony PlayStation، اتى اڭىزعا اينالعان Sega Mega Drive، Nintendo، اركادالىق اۆتوماتتار ەڭ تانىمال ويىندارمەن جابدىقتالعان.
تاعى ءبىر ەرەكشە جايت! رەترو كومپيۋتەرلەر مەن كونسولدەر تولىق جۇمىس ىستەپ تۇر – ولاردى تەگىن پايدالانا الاسىز.
كومپانيا بۇل مۋزەيدىڭ IT-يندۋسترياسى مەن زاماناۋي ونەرگە ارنالعان كورمەلەر مەن دارىستەر الاڭى بولاتىنىن ايتادى.
مۋزەيدەگى Yandex Qazaqstan تەحنولوگيالارى ايماعى دا قىزىقتى ورىنداردىڭ ءبىرى. مۇندا كەلۋشىلەر روبوت جەتكىزۋشىنىڭ ليدارلىق بۇلتىن كورىپ، روبوتتىڭ الەمدى قالاي كورەتىنى مەن زاتتاردى قالاي تانيتىنىن تاماشالاي الادى. سونداي-اق، ۆيرتۋالدى اسسيستەنت اليسا ورناتىلعان قۇرىلعىلار ستەندىندە ونىمەن قازاق جانە ورىس تىلدەرىندە سويلەسۋگە بولادى.
مۋزەيدىڭ مەكەنجايى: ءال-فارابي داڭعىلى 11/1.