16 قازاندا استانادا وتكەن بريفينگتە ادىلەت ءمينيسترى ازامات ەسقارايەۆتان جۋرناليستەر الماتى الماسى حالىقارالىق دەڭگەيدە قازاقستاندىق برەند رەتىندە قاشان تىركەلەتىنىن سۇرادى، دەپ حابارلايدى almaty-akshamy.kz kaz.zakon.kz سىلتەمە جاساپ.
"ادىلەت مينيسترلىگى "الماتى اپورتى" گەوگرافيالىق كورسەتكىشىن قازاقستاندىق برەند رەتىندە بىرىكتىرۋ جۇمىستارىن جۇرگىزۋدە. ءبىز اپورت وندىرۋشىلەردىڭ ءتيىستى قاۋىمداستىعىمەن ماسەلەنى پىسىقتادىق، ولار ادىلەت ورگاندارىنا ءتيىستى ءوتىنىش بەردى"، - دەدى ازامات ەسقارايەۆ.
سونداي-اق ول برەندتى تىركەۋدىڭ الدىن الا مەرزىمدەرىن اتاپ ءوتتى.
"ۋاقىت ءسال ۇزاق. زياتكەرلىك مەنشىككە قاتىستى ماسەلەلەر تەز شەشىلمەيدى. ءتورت ايدان كەيىن ءبىز الماتى اپورتىن قازاقستاندا قازاقستاندىق برەند رەتىندە تىركەيمىز، سودان كەيىن ءتيىستى بىرلەستىك قورعاۋعا بەرۋ ءۇشىن قۇجاتتاردى جينايدى جانە الماتى اپورتىن حالىقارالىق ارەنادا گەوگرافيالىق كورسەتكىش رەتىندە تىركەۋ كەرەك"، - دەپ قورىتىندىلادى ادىلەت مينيسترلىگىنىڭ باسشىسى.