بۇل مۇمكىندىك بالالاردىڭ ۋاقىتىن ءتيىمدى جۇمساۋىنا جانە اتتەستاتپەن قوسا ناقتى ءبىر ماماندىق الىپ شىعۋىنا سەپ بولادى.
پارلامەنت ءماجىلىسىنىڭ دەپۋتاتى اسحات ايماعامبەتوۆ 10-11-سىنىپ وقۋشىلارىنا كوللەدجدەردە قاتار وقۋ مۇمكىندىگىن بەرۋدى ۇسىندى، – دەپ حابارلايدى aqshamnews.kz
دەپۋتاتتىڭ ايتۋىنشا، جوعارى سىنىپ وقۋشىلارىنا كوللەدجدە قاتار وقۋعا مۇمكىندىك بەرۋ اقشانى دا ازايتادى، بالالاردىڭ ۋاقىتىن ءتيىمدى جۇمساۋعا مۇمكىندىك بەرەدى جانە مەكتەپ بىتىرگەن كەزدە تۇلەكتەر اتتەستاتپەن قوسا ناقتى ءبىر ماماندىق الىپ شىعادى.
«10-11-سىنىپ وقۋشىلارىنا ءوز تاڭداۋى بويىنشا مەكتەپتەگى وقۋمەن بىرگە كوللەدجدەرگە پاراللەلدى تۇردە وقۋعا مۇمكىندىك بەرۋدى ۇسىنساق. مىسالى، اۋىلداردا تۇسكە دەيىن ساباق وقيدى، كوبىنە ءبىر اۋىسىمدى، تۇستەن كەيىن كوللەدجدەردە پاراللەلدى تۇردە قوسىمشا ماماندىق الىپ شىعۋعا مۇمكىندىك بەرسەك. بۇگىن ءبىز قاراساق، 11-سىنىپ بىتىرگەندەردىڭ 50 مىڭى تاعى كوللەدجگە ءتۇسىپ جاتىر. ول تاعى دا سول پاندەردى قايتادان وقيدى»،-دەدى ايماعامبەتوۆ.