2023 جىلعى 1 شىلدەدەن باستاپ پيك پەن پيتك زاڭ بويىنشا ءوز قىزمەتىن توقتاتۋعا ءتيىس. ونىڭ ورنىنا مەنشىك يەلەرى باسقارۋدىڭ جاڭا نىسانىن تاڭداۋى كەرەك. مۇنداي نىساندار بولۋى مۇمكىن:
1) مۇلىك يەلەرىنىڭ بىرلەستىگى (ميب)؛
2) كوپپاتەرلى تۇرعىن ءۇيدىڭ جاي سەرىكتەستىگى (جس).
جاڭا نىساننىڭ بۇرىنعى پيك پەن پيتك-دەن باستى ايىرماشىلىعى ءبىر ءۇي-بىر بىرلەستىك-بىر شوت سحەماسى بولىپ تابىلادى. ءاربىر ءۇيدى باسقارۋدىڭ جەكە ءتاسىلىن كوزدەيتىن، سونداي-اق تۇرعىندارعا اقشا تۇسىمدەرى مەن ولاردىڭ جۇمسالۋىن باقىلاۋ مۇمكىندىگىمەن تەك ءوز ءۇيىن كۇتىپ-ۇستاۋعا قاراجات جيناۋعا مۇمكىندىك بەرەتىن قاعيدا. شىن مانىندە، ءار ۇيدە ءتوراعا جانە تەكسەرۋ كوميسسياسى سايلانادى. تۇبەگەيلى ايىرماشىلىق – ميب ءتوراعاسى ءدال وسى ءۇيدىڭ تۇرعىنى بولۋى كەرەك.
پيك پەن پيتك-دە بۇل پروسەسس ءبىر ءتوراعانىڭ باسقارۋىنداعى ۇيلەردىڭ كوپتىگىنە بايلانىستى مۇمكىن بولمادى. پيك جانە پيتك وكىلدەرىمەن كوپپاتەرلى تۇرعىن ۇيلەردىڭ تۇرعىندارى مەن مەنشىك يەلەرىنىڭ داۋلارى بويىنشا جيناقتالعان وقيعالاردى تالداۋ باسقارۋ نىسانىن وزگەرتۋدىڭ شۇعىل قاجەتتىلىگىن كورسەتتى.
ميب پەن جس اراسىنداعى نەگىزگى ايىرماشىلىققا كەلەتىن بولساق، بۇل ميب – زاڭدى تۇلعا، جس - زاڭدى تۇلعا قۇرمايتىن سەرىكتەستىك. باسقا نيۋانستاردىڭ بولۋى پرينسيپيالدى ەمەس جانە باستاماشىل توبىمەن كپتۇ پاتەرلەرى مەن تۇرعىن ەمەس ءۇي-جايلار يەلەرىنىڭ جينالىسىندا تۇسىندىرىلەدى.
قازىرگى ۋاقىتتا الماتىدا 8879 كوپپاتەرلى تۇرعىن ءۇي بار، ونىڭ 7129-ى باسقارۋدىڭ جاڭا نىساندارىنا وتۋگە جاتادى.
ميب قۇرۋ الگوريتمى قاراپايىم جانە ءۇش نەگىزگى قادامنان تۇرادى: بىرىنشىسى-كۆورۋمى كەمىندە 50% بولاتىن تۇرعىنداردىڭ جينالىسىن ۇيىمداستىرۋ؛ ەكىنشىسى - ءتوراعانى، ءۇي كەڭەسىن جانە تەكسەرۋ كوميسسياسىن سايلاۋ (جينالىس حاتتاماسىن جۇرگىزۋ جانە قول قويۋ قاجەت)؛ ءۇشىنشىسى - قۇجاتتاردى حقكو-عا تاپسىرۋ. ءميب-تى مەملەكەتتىك تىركەۋ 5 جۇمىس كۇنى ىشىندە جۇرگىزىلەدى.