29 ناۋرىزدا ق ر ەڭبەك جانە حالىقتى الەۋمەتتىك قورعاۋ ۆيسە-مينيسترىنىڭ مىندەتىن اتقارۋشى نازگۇل ساعىندىقوۆا رسك بريفينگىندە زەينەتاقى جۇيەسىندە قانداي وزگەرىستەر بولاتىنىن ايتتى، دەپ حابارلايدى اlmaty-akshamy.kz Zakon.kz-كە سىلتەمە جاساپ.
ۆەدومستۆونىڭ مالىمەتىنشە، قازىرگى جۇيە زەينەتكەرلەردىڭ ءۇش ۇرپاعىن قامتيتىن بولادى. قۇجاتتا بازالىق زەينەتاقىنىڭ مولشەرىن ارتتىرۋ قاراستىرىلعان. 2024 جىلدىڭ 1 قاڭتارىنان باستاپ بولاشاق زەينەتكەرلەر ءۇشىن جۇمىس بەرۋشىلەردەن قوسىمشا زەينەتاقى جارنالارى ەنگىزىلەدى.
«وزگەرىستەردە 1998 جىلعا دەيىن جانە 1998 جىلدان كەيىن زەينەتكەرلىككە شىققان زەينەتكەرلەر زەينەتاقى تولەمدەرىنىڭ نەگىزگى بولىگىن مەملەكەتتەن، ال بولاشاق زەينەتكەرلەر جيناقتاۋشى زەينەتاقى جۇيەسىنەن الاتىن بولادى»، — دەدى ق ر ەڭبەك جانە حالىقتى الەۋمەتتىك قورعاۋ ۆيسە-مينيسترىنىڭ مىندەتىن اتقارۋشى نازگۇل ساعىندىقوۆا.
سونىمەن قاتار، كودەكس نورمالارى ينۆەستورلارعا ءوز اكتيۆتەرىن باسقارۋعا مۇمكىندىك بەرەدى. ازاماتتار بەلگىلەنگەن جەتكىلىكتىلىك شەگىن ەمدەۋگە جانە تۇرعىن ءۇي ساتىپ الۋعا جۇمساي الادى. سالىمشىلار الىنعاننان كەيىن قالعان زەينەتاقى جيناقتارىنىڭ نەمەسە بارلىق جيناقتالعان سومانىڭ 50%-دان اسپايتىن بولىگىن جەكە باسقارۋعا بەرە الادى.
«بۇل رەتتە، زەينەتاقى جيناقتارىنىڭ ساقتالۋىنا مەملەكەتتىك كەپىلدىك تەك ۇلتتىق بانك باسقاراتىن جيناقتاردىڭ بولىگىنە عانا قولدانىلاتىنىن اتاپ وتكەن ءجون»، — دەپ قوستى سپيكەر.
سونىمەن بىرگە ول ينۆەستورلار باسقارۋشى كومپانيالاردى تاڭداعان كەزدە ىقتيمال تاۋەكەلدەردى وزدەرى باعالاۋى كەرەك دەپ قوستى.
قازاقستاندىقتاردىڭ زەينەتاقى جيناقتارى ءبىر جىلدا 11،4%-عا ءوستى. 1 ناۋرىزداعى جاعداي بويىنشا ءبىرىڭعاي جيناقتاۋشى زەينەتاقى قورى سالىمشىلارىنىڭ (الۋشىلاردىڭ) جەكە شوتتارىندا 15،13 ترلن تەڭگە كولەمىندە زەينەتاقى جيناقتارى بولدى.