بەينەباقىلاۋ كامەراسىنىڭ مۇمكىندىكتەرى.
قوعامدىق قاۋىپسىزدىكتى قامتاماسىز ەتۋ جانە قالاداعى جاعدايدى باقىلاۋ ءۇشىن الماتى پوليسەيلەرى 131 مىڭنان استام بەينەباقىلاۋ كامەرالارىن قولدانادى. ونىڭ 18 مىڭنان استامى پد جەدەل باسقارۋ ورتالىعىنا شىعادى.
«بۇل كامەرالار بىزگە كوشەدەگى قىلمىستىڭ الدىن الۋدا جانە جاسالعان قىلمىستاردى “ءىزىن سۋىتپاي” اشۋعا عانا ەمەس، سونىمەن قاتار حابار-وشارسىز كەتكەن ازاماتتاردى ىزدەستىرۋگە، قوعامدىق ورىندارداعى جاعدايدى باقىلاۋعا جەدەل ارەكەت ەتۋ ءۇشىن ايتارلىقتاي كومەكتەسەدى. سىرتقى بەينەباقىلاۋ جۇيەلەرىنىڭ كومەگىمەن 3646 قىلمىس اشىلدى. ءبىز بارلىق كامەرالاردى كورۋگە قالاي ۇلگەرەمىز؟ تۇسىندىرەمىن، قالانىڭ نەگىزگى ماگيسترالدارى مەن ستراتەگيالىق ايماقتارىنىڭ كامەرالارى جبو-نىڭ نەگىزگى پانەلىندە كورسەتىلەدى، ال قالعان كامەرالاردى ونلاين رەجيمىندە كورىپ وتىرامىز»، – دەدى ارىستانعاني زاپپاروۆ.
سونىمەن قاتار پوليسيا قازىرگى ۋاقىتتا قالادا 5034 كامەرادان تۇراتىن 766 اپپاراتتىق-باعدارلامالىق كەشەن بارىن حابارلادى. وسى جىلدىڭ ءساۋىر ايىنىڭ سوڭىنا دەيىن تاعى 575 بەكەت، ونىڭ ىشىندە 2944 بەينەباقىلاۋ كامەراسىن ورناتۋ جوسپارلانعان.