ول سىبايلاس جەمقورلىققا قارسى زاڭنامانى دامىتۋ، جەتىلدىرۋ جانە ونىڭ الدىن الۋ، قۇقىقتىق ولقىلىقتاردىڭ ورنىن تولتىرۋ بويىنشا تۇزەتۋلەر جاسالعانىن ايتتى.
قابىلداناتىن زاڭداعى نەگىزگى نوۆەللالاردىڭ ءبىرى - نەگىزسىز بايۋ ماسەلەسى. بۇل - سىبايلاس جەمقورلىققا توتەپ بەرۋدىڭ نەگىزگى بولىگى. 2020 جىلى مەملەكەتتىك قىزمەتشىلەر مەن ولاردىڭ جۇبايلارى (زايىپتارى) وزدەرىنىڭ اكتيۆتەرى جانە مىندەتتەمەلەرى تۋرالى جالپىلاما دەكلاراسيا تاپسىرعان بولاتىن. زاڭ جەكە تۇلعالاردىڭ سالىق سالۋعا بايلانىستى دەكلاراسيالارىندا كورسەتىلگەن شىعىستارىمەن قاراستىرىپ جاتىر. ەگەر الشاقتىق بولسا، وندا ولار 10 پايىز كولەمىندە، ياعني اسىپ كەتكەن سومادان جەكە باس تابىس سالىعىن تولەيدى. ەگەر شەنەۋنىكتەردىڭ نەگىزسىز بايۋىن كورسەك، دەكلاراسيالارىندا اسىپ كەتكەن جالپىلاما سومادان اسىپ كەتكەن قارجىنىڭ 10 پايىزىن تولەۋگە ءتيىس. 10 پايىزدىق سالىقتى ءوندىرىپ الۋمەن بىرگە، مەمقىزمەتشىلەردىڭ جانە ولارعا تەڭەستىرىلگەن تۇلعالاردىڭ جاۋاپكەرشىلىگى سانكسيالاردى ەنگىزۋ ارقىلى كۇشەيتىلىپ وتىر. سونداي-اق شەنەۋنىكتىڭ كىرىسى مەن شىعىسى سايكەس كەلمەگەن جاعدايدا ونىڭ شىعىسىنىڭ زاڭدىلىعىن قاراستىرۋ 2027 جىلعا دەيىنگى مەرزىمگە دەيىن ايقىندالعان بولاتىن. وسى كەزەڭنەن باستاپ تۇرعىنداردىڭ مۇلكى جانە اكتيۆتەرى جونىندە قارايمىز. ويتكەنى 2027 جىلدان باستاپ كامەلەتكە تولعان ازاماتتىڭ بارلىعى دەكلاراسيا تاپسىرادى، - دەيدى جىگەر ءبايدىلدين فورۋمدا.
سوزىنشە، 2026 جىلدان باستاپ ولار كىرىسى جانە مۇلكى جونىندە دەكلاراسيا تاپسىرادى. سونىمەن بىرگە اكتيۆتەر مەن مىندەتتەمەلەر بويىنشى ءبىرىنشى ەسەپتى جىل تەكسەرۋگە جاتپايدى. تەك 2027 جىلدان باستاپ شىعىس-كىرىس بولىكتەرى سالىستىرىلا باستايدى.
سىبايلاس جەمقورلىققا قارسى كومپلاەنس قىزمەتىمەن بىرگە دەكلاراسيانى تاپسىرۋ كۆازيسەكتور سۋبەكتىلەرىنىڭ دەكلاراسيانى تاپسىرۋىن قاداعالايدى، - دەپ تولىقتىردى سىبايلاس جەمقورلىققا قارسى ءىس-قيمىل اگەنتتىگىنىڭ پريەۆەنسيا قىزمەتى باسشىسىنىڭ ورىنباسارى.