1 شىلدەدەن باستاپ الماتى قالاسىندا مەكتەپكە دەيىنگى ۇيىمداردى ۆاۋچەرلىك قارجىلاندىرۋ جۇيەسى ەنگىزىلەدى، - دەپ حابارلايدى aqshamnews.kz.
2025 جىلعى 1 شىلدەدەن باستاپ الماتى قالاسىندا قازاقستان رەسپۋبليكاسى وقۋ-اعارتۋ مينيسترلىگىنىڭ 2024 جىلعى 30 جەلتوقسانداعى №372 بۇيرىعىمەن بەكىتىلگەن وڭىرلەردىڭ پيلوتتىق جوباعا كوشۋ كەستەسىنە سايكەس مەكتەپكە دەيىنگى ۇيىمداردى ۆاۋچەرلىك قارجىلاندىرۋ جۇيەسى ەنگىزىلەدى.
بۇل جاڭاشىلدىقتىڭ باستى ماقساتى — مەكتەپكە دەيىنگى ءبىلىمنىڭ قولجەتىمدىلىگى مەن ساپاسىن ارتتىرۋ، باسەكەلەستىكتى كۇشەيتۋ جانە اتا-انالارعا بالاباقشا تاڭداۋدا ەركىندىك بەرۋ.
ۆاۋچەرلىك جۇيە ارقىلى اتا-انالار مەملەكەتتىك تە، جەكەمەنشىك تە بالاباقشالاردىڭ قىزمەتتەرىن تولەۋگە مۇمكىندىك الادى.
2025 جىلعى 1 شىلدەدەن باستاپ اتا-انالار مەكتەپكە دەيىنگى بىلىمگە ارنالعان ۆاۋچەرلەر الا الادى. الماتى قالاسىندا باعدارلاماعا 988 مەكتەپكە دەيىنگى ۇيىم قاتىسادى، ونىڭ ىشىندە:
o 196 — مەملەكەتتىك بالاباقشا،
o 792 — جەكەمەنشىك؛
ۇيىمدى تاڭداۋ بوس ورىننىڭ بولۋىنا بايلانىستى جۇزەگە اسىرىلادى. ۆاۋچەر راسىمدەۋ ەلەكتروندى https://balabaqsha.snation.kz/ پورتالى ارقىلى جۇرگىزىلەدى.
باعدارلامانىڭ ماقساتتارى:
● مەكتەپكە دەيىنگى ءبىلىمنىڭ بارلىق الەۋمەتتىك توپتار ءۇشىن قولجەتىمدىلىگىن ارتتىرۋ؛
● اتا-انالاردىڭ تاڭداۋ ەركىندىگىن قولداۋ جانە ءبىلىم بەرۋ قىزمەتتەرىنىڭ يكەمدىلىگىن ارتتىرۋ؛
● مەكتەپكە دەيىنگى ءبىلىم بەرۋ سالاسىندا جەكەمەنشىك سەكتوردى دامىتۋ؛
● باسەكەلەستىك پەن قارجىلاندىرۋدىڭ اشىقتىعى ارقىلى كورسەتىلەتىن قىزمەتتەردىڭ ساپاسىن جاقسارتۋ.
قالاي جۇمىس ىستەيدى:
1. اتا-انالار https://balabaqsha.snation.kz/ ەلەكتروندى پورتالى ارقىلى ۆاۋچەر الۋ ءۇشىن ءوتىنىش بەرەدى؛
2. ۆاۋچەر بالانىڭ بالاباقشادا بولۋ قۇنىنىڭ ءبىر بولىگىن جابادى؛
3. قارجىلاندىرۋ بالاباقشاعا تىكەلەي بالانىڭ بارۋىن راستاعاننان كەيىن بەرىلەدى؛
4. باعدارلاماعا قاتىساتىن جەكەمەنشىك بالاباقشالار بەلگىلەنگەن ساپا ستاندارتتارىنا ساي بولۋى كەرەك.
باعدارلاماعا قاتىسۋ ءۇشىن رەسمي پورتالعا https://balabaqsha.snation.kz/ كىرىپ، ۆاۋچەر الۋ ءۇشىن ءوتىنىش بەرۋ قاجەت.