بۇرىنعى قورعانىس ءمينيسترى رۋسلان جاقسىلىقوۆ جاڭا قىزمەتكە تاعايىندالدى، دەپ حابارلايدى aqshamnews.kz
مەملەكەت باسشىسىنىڭ وكىمىمەن رۋسلان فاتيح ۇلى جاقسىلىقوۆ قازاقستان رەسپۋبليكاسى قاۋىپسىزدىك كەڭەسى حاتشىسىنىڭ ءبىرىنشى ورىنباسارى لاۋازىمىنا تاعايىندالدى، – دەپ جازىلعان اقوردانىڭ رەسمي اقپاراتىندا.
رۋسلان فاتيح ۇلى جاقسىلىقوۆ (4 ناۋرىز 1966 جىلى تۋعان، قاسكەلەڭ، الماتى وبلىسى) — قازاقستاننىڭ مەملەكەت جانە اسكەري قايراتكەرى، گەنەرال-پولكوۆنيك، پەداگوگيكا عىلىمدارىنىڭ كانديداتى، 2022 جىلعى 19 قاڭتاردان باستاپ قازاقستان رەسپۋبليكاسىنىڭ قورعانىس ءمينيسترى.
ي.س.كونيەۆ اتىنداعى الماتى جوعارى جالپى اسكەري ۋچيليششەسىن (1987)، م.ۆ.فرۋنزە اتىنداعى اسكەري اكادەميانى (1996)، رف قك باس شتاب اسكەري اكادەمياسىنىڭ جوعارى اكادەميالىق كۋرسىن (2004) ءبىتىردى. اسكەري ۋچيليششەدەن كەيىن موتواتقىشتار جانە بارلاۋ ۆزۆودىنىڭ، روتاسىنىڭ كومانديرى، الماتى قالاسى اسكەري ءبولىم بارلاۋشىلارىنىڭ باستىعى. 4 قىركۇيەك 2008 جىلى– قازاقستان رەسپۋبليكاسى ءىىم ىشكى اسكەرلەر قولباسشىسى. 22 قاڭتار 2013 جىلعى – قازاقستان رەسپۋبليكاسى ءىىم ىشكى اسكەرلەردىڭ باس قولباسشىسى. 2014 ج. - گەنەرال-لەيتەنانت اتاعىن الىپ، قازاقستان رەسپۋبليكاسى ۇلتتىق ۇلانىنىڭ باس قولباسشىسى مىندەتىن اتقاردى. 19 قاڭتار 2022 جىلى — قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسىنىڭ قورعانىس ءمينيسترى بولىپ تاعايىندالدى.