مامانداندىرىلعان حقكو-لار مەن پروسەسسينگتىك ورتالىقتار كۇشەيتىلگەن جۇمىس رەجيمىنە كوشتى
مەملەكەت باسشىسىنىڭ تاپسىرماسىنا سايكەس ءىىم باسقا مەملەكەتتىك ورگاندارمەن بىرلەسىپ، 23 قاڭتاردان باستاپ 2022 جىلدىڭ 1 قىركۇيەگىنە دەيىن ەلگە اكەلىنگەن شەتەلدىك اۆتوكولىكتەردى زاڭداستىرىپ جاتىر. زاڭداستىرۋدىڭ اياقتالۋىنا 10 كۇننەن از ۋاقىت قالدى (1 شىلدەگە دەيىن). وسىعان بايلانىستى مامانداندىرىلعان حقكو-لار جانە اكىمشىلىك پوليسيا باسقارمالارىنىڭ پروسەسسينگتىك ورتالىقتارى كۇشەيتىلگەن جۇمىس رەجيمىنە كوشتى: دۇيسەنبىدەن جۇماعا دەيىن ساعات 09.00-دەن 20.30-عا دەيىن، سەنبى كۇنى ساعات 09.00-دەن 19.30-عا دەيىن، – دەپ حابارلايدى almaty-akshamy.kz Polisia.kz. سىلتەمە جاساپ.
1 شىلدەدەن باستاپ زاڭداستىرۋعا وتىنىمدەردى قابىلداۋ توقتاتىلادى. الايدا 1 شىلدەگە دەيىن ءوتىنىم بەرىپ ۇلگەرگەن ازاماتتاردىڭ اۆتوكولىكتەرى تالاپتارعا ساي كەلەتىن بولسا، كورسەتىلگەن مەرزىمنەن كەيىن زاڭداستىرۋ قۇقىعى بەرىلەتىن بولادى.
بۇدان باسقا، ەۋرازيالىق ەكونوميكالىق وداق ەلدەرىنەن 2022 جىلعى 1 قىركۇيەككە دەيىن اكەلىنگەن جانە بۇرىن تىركەلگەن ەلىنەن ەسەپتەن شىعارىلماۋى سەبەبىنەن زاڭداستىرۋ مۇمكىن بولمايتىن اۆتوكولىكتەردى مەملەكەتتىك تىركەۋ تۋرالى شەشىم قابىلداندى.
مۇنداي اۆتوكولىكتەر كورسەتىلگەن مەرزىم وتكەننەن كەيىن كەرى اكەتۋ تۋرالى مىندەتتەمەمەن 5 جىل مەرزىمگە ۋاقىتشا ەسەپكە الۋ نەمەسە بۇرىنعى تىركەۋ ورنى بويىنشا اۆتوكولىكتى ەسەپتەن شىعارعان جاعدايدا زاڭداستىرۋ شارتتارىمەن تىركەلەدى.
ۋاقىتشا ەسەپكە قويۋ كەزىندە كولىك قۇرالىن تىركەۋ تۋرالى كۋالىك جانە قازاقستان رەسپۋبليكاسىنىڭ مەملەكەتتىك نومىرلىك بەلگىلەرى بەرىلەتىن بولادى (مەملەكەتتىك نومىرلىك بەلگىلەر ءۇشىن مەملەكەتتىك باج – 9 660 تەڭگە، كقتك – 4 313 تەڭگە، ادەتتەگى تىركەۋ ءۇشىن الىم – 863 تەڭگە).
تىركەۋ تۋرالى كۋالىكتە يەلىكتەن شىعارۋ جانە قازاقستان رەسپۋبليكاسىنان تىس جەرلەرگە شىعۋ قۇقىعىنسىز ۋاقىتشا ەسەپكە الۋ كورسەتىلەدى. شەت مەملەكەتتىڭ تىركەۋ قۇجاتتارى مەن مەملەكەتتىك نومىرلىك بەلگىلەرى “ازاماتتارعا ارنالعان ۇكىمەت” مەملەكەتتىك كورپوراسياسىنا ساقتاۋعا تاپسىرىلاتىن بولادى.
ەگەر قازاقستان ازاماتتارى ولاردى ەلدەن تىس جەرلەرگە اكەتۋ تۋرالى شەشىم قابىلداعان جاعدايدا، ولار قازاقستان رەسپۋبليكاسىنىڭ كقتك جانە متنب تاپسىرۋى ءتيىس، سودان كەيىن ولارعا تىركەۋ قۇجاتتارى مەن شەت مەملەكەتتىڭ متنب قايتارىلاتىن بولادى. سونداي-اق مىندەتتى اۆتوساقتاندىرۋ جانە جول قوزعالىسى سالاسىنداعى زاڭنامانىڭ سوڭعى وزگەرىستەرىنە سايكەس قازاقستان ازاماتتارى 2022 جىلعى 1 قىركۇيەكتەن كەيىن اكەلىنگەن شەتەلدىك اۆتوكولىكتەرگە مىندەتتى اۆتوساقتاندىرۋ ءپوليسىن رەسىمدەي المايتىنىن، سونداي-اق 2022 جىلعى 1 قىركۇيەككە دەيىن اكەلىنگەن جانە زاڭداستىرۋدان وتپەگەن شەتەلدىك ەسەپكە الىنعان كولىك قۇرالدارىنا قولدانىستاعى اۆتوساقتاندىرۋ ءپوليسىن ۇزارتا المايدى.
اكىمشىلىك قۇقىق بۇزۋشىلىق تۋرالى كودەكسكە سايكەس مىندەتتى اۆتوساقتاندىرۋ ءپوليسىنسىز اۆتوكولىكتى باسقارعانى ءۇشىن 10 اەك مولشەرىندە ايىپپۇل قاراستىرىلعان.
اتالعان جاعدايلاردا پوليسيا قىزمەتكەرلەرى اۆتوكولىكتەردى ۇستاپ، ولاردى ارنايى تۇراقتارعا جەتكىزۋگە قۇقىلى.