قازاقستاندىق كلۋبتاردىڭ UEFA كونفەرەنسيا ليگاسى ەكىنشى ىرىكتەۋ ساتىسىنداعى قارسىلاستارى بەلگىلى بولدى، دەپ حابارلايدى قازاقپارات
جارىستىڭ اتالعان ساتىسىندا شىمكەنتتىك «ورداباسى» پولشانىڭ «لەگيا» (ۆارشاۆا)، «اقتوبە» گرۋزيانىڭ «تورپەدو» (كۋتايسي) مەن «سارايەۆو» (بوسنيا جانە گەرسەگوۆينا) جۇبىنىڭ جەڭىمپازىمەن كەزدەسەدى.
ال ءبىرىنشى ىرىكتەۋ ساتىسىندا فينليانديانىڭ «حونكا» كلۋبىن جەڭگەن جاعدايدا ەكىنشى ىرىكتەۋ ساتىسىندا شۆەيساريانىڭ «بازەل» كلۋبىنا قارسىلاس بولادى.
سونداي-اق، ەلوردالىق «استانا» UEFA چەمپيوندار ليگاسى ءبىرىنشى ىرىكتەۋ ساتىسىندا گرۋزيانىڭ «دينامو» (تبيليسي) كلۋبىنا جول بەرگەن جاعدايدا كونفەرەنسيا ليگاسى ەكىنشى ىرىكتەۋ ساتىسىنداعى قارسىلاس بەلگىلى بولدى.
«استانا» مۇنداي جاعدايدا مالتانىڭ «حامرۋن سپارتانس» (حامرۋن) جانە ءيزرايلدىڭ «ماككابي» (حايفا) جۇبىنىڭ جەڭىلگەن كومانداسىمەن كەزدەسەدى.
بۇل كوماندالار دا الدىمەن چەمپيوندار ليگاسى ءبىرىنشى ىرىكتەۋ ساتىسىندا وينايدى.
جارىستىڭ ەكىنشى ىرىكتەۋ ساتىسىنداعى ويىندار 27 شىلدە جانە 3 تامىزعا بەلگىلەنگەن.