بولجامعا سايكەس، قازاقستاننىڭ باسىم بولىگىندە جاڭبىر جاۋادى.
"قازگيدرومەت" رمك قازاقستان اۋماعىندا 1 شىلدە كۇنى اۋا رايى قانداي بولاتىنىن بولجادى، دەپ حابارلايدى Almaty-akshamy.kz
"ق ر اۋماعىنىڭ باسىم بولىگىندە سيكلون جانە ونىمەن بايلانىستى اتموسفەرالىق فرونتالدى بولىكتەر تۇراقسىز اۋا رايىنىڭ قالىپتاسۋىنا تۇرتكى بولادى. قازاقستاننىڭ سولتۇستىك-باتىسىندا، سولتۇستىگىندە جاڭبىر جاۋىپ، نايزاعاي وينايدى، بۇرشاق تۇسەدى، قاتتى جەل تۇرادى دەپ كۇتىلەدى. ەلىمىزدىڭ باتىسىندا عانا اۋا رايى جاۋىن-شاشىنسىز بولادى دەپ بولجانادى. رەسپۋبليكامىز بويىنشا ورتاق تابيعي قۇبىلىس - جەلدىڭ ەكپىن الۋى. ەلىمىزدىڭ وڭتۇستىگىندە شاڭدى داۋىل تۇرادى، سولتۇستىك-باتىستا تۇنگى جانە تاڭەرتەڭگى ۋاقىتتاردا تۇمان بولادى"دەلىنگەن "قازگيدرومەت" رمك اقپاراتىندا.
قاراعاندى، پاۆلودار، اباي، جەتىسۋ وبلىستارىندا، ۇلىتاۋ ءوڭىرىنىڭ سولتۇستىگىندە، اقمولا وبلىسىنىڭ باتىسىندا، وڭتۇستىگىندە، شىعىسىندا، شىعىس قازاقستان وبلىسىنىڭ باتىسىندا، سولتۇستىگىندە ءورت ءقاۋپى جوعارى بولادى.
تۇركىستان، جامبىل، قىزىلوردا، الماتى، ۇلىتاۋ وبلىستارىندا، قوستاناي، شىعىس قازاقستان جانە اباي وبلىستارىنىڭ وڭتۇستىگىندە، جەتىسۋ ءوڭىرىنىڭ سولتۇستىگىندە، شىعىسىندا، اتىراۋ وبلىسىنىڭ باتىسىندا، وڭتۇستىك-شىعىسىندا، ماڭعىستاۋ وبلىسىنىڭ باتىسىندا توتەنشە ءورت ءقاۋپى ساقتالادى.