گرانت سوماسى: 3- 7 ملن ارالىعىندا.
"مەديا دامىتۋ قورى" كورپوراتيۆتىك قورى ق ر مادەنيەت جانە اقپارات مينيسترلىگىنىڭ قولداۋىمەن وڭىرلىك ب ا ق پەن بلوگەرلەر اراسىندا گرانتقا بايقاۋ جاريالادى، دەپ حابارلايدى Almaty-akshamy.kz ۆەدومستۆوعا سىلتەمە جاساپ.
قارجىلىق قولداۋعا يە بولا الاتىندار:
وڭىرلىك شاعىن ب ا ق؛
سيفرلى كونتەنت اۆتورلارى (بلوگەرلەر).
شاعىن وڭىرلىك ب ا ق اراسىنداعى كونكۋرسقا وتىنىمدەر 2024 جىلعى 25 ماۋسىمنان 15 شىلدەگە دەيىن، بلوگەرلەر اراسىندا – 2024 جىلعى 25 ماۋسىمنان 24 شىلدەگە دەيىن قابىلدانادى.
ەكى بايقاۋدىڭ دا ەكى كەزەڭى بولادى. ءبىرىنشى كەزەڭدە كوميسسيا ەڭ ۇزدىك ءوتىنىش بەرۋشىلەردى تاڭدايدى. ەكىنشى كەزەڭدە اۆتورلار ءوز جوباسىن قورعاۋى كەرەك.
ايتا كەتەيىك، 14 جاستان باستاپ قازاقستاندىقتار بلوگەرلەرگە بەرىلەتىن گرانتقا ۇمىتكەر بولا الادى.
كونكۋرس شارتتارى تۋرالى تولىعىراق: www.mdq.kz، e-mail: grants.mdq@gmail.com. Instagram: @media.damytu.qory.