الەۋمەتتىك جەلىدە بيىل پاندەميانىڭ جاڭا تولقىنى باستالىپ، 1 قىركۇيەكتەن باستاپ لوكداۋن جاريالاناتىنى تۋرالى اقپارات تارادى.
بۇل اقپاراتتى دسم سانيتارلىق-ەپيدەميولوگيالىق باقىلاۋ كوميتەتى جوققا شىعاردى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
«بۇگىندە كوروناۆيرۋسپەن سىرقاتتانۋشىلىقتىڭ تومەندەگەنى بايقالادى. سىرقاتتانۋشىلىق ازداپ ءوستى، ءبىراق ەپيدەميولوگيالىق جاعداي تۇراقتى. بارشاڭىزدى ۆاكسينا الۋعا جانە ريەۆاكسيناسيادان وتۋگە، قوعامدىق ورىنداردا بەتپەردە تاعۋعا جانە مۇمكىندىك بولسا، COVID-19 جۇقتىرماس ءۇشىن شەت ەلدەرگە ساپار شەكپەۋگە شاقىرامىز. كارانتين شارالارىن كۇشەيتۋ نەمەسە جەڭىلدەتۋ تۋرالى شەشىمدى ۆەدومستۆوارالىق كوميسسيا قابىلدايدى. قازىرگى تاڭدا كارانتين جاريالاۋ تۋرالى ماسەلە قاراستىرىلىپ جاتقان جوق»، – دەدى ۆەدومستۆونىڭ رەسمي وكىلى ەرجان بايتانايەۆ.