جۇمىس ساپارى بارىسىندا الماتى اكىمىنىڭ ورىنباسارى اسقار امرين قالا سكۆەرلەرى مەن كوشەلەرىن اباتتاندىرۋ جۇمىستارىنىڭ ساپاسىن تەكسەردى، دەپ حابارلايدى اlmaty-akshamy.kz.
ءبىرىنشى نىسان - وقۋشىلار سارايىنىڭ ماڭىنداعى سكۆەر بولدى. 2021 جىلى وقۋشىلار سارايى الدىنداعى جالپى اۋدانى 5 گا قۇرايتىن اۋماقتى اباتتاندىرۋ جوباسى بەكىتىلدى. قازىرگى تاڭدا جۇمىستاردىڭ 40% اياقتالىپ، جاڭا سۋارۋ جۇيەسىنىڭ ترانشەياسى قازىلدى. جارىقتاندىرۋ جۇيەسىن، بالالار الاڭىن، ورىندىقتار مەن قوقىس جاشىكتەرىن ورناتۋ، سۋارۋ جۇيەسىن قالپىنا كەلتىرۋ، 147 جاپىراقتى جانە قىلقانجاپىراقتى اعاش وتىرعىزىپ، كوگالداندىرۋ جۇمىستارىن جۇرگىزۋ جوسپارلانعان. تەكسەرۋ بارىسىندا اسقار امرين زاقىمدانعان تامىر جۇيەسىنە ءمان بەرىپ، جۇمىس تەحنولوگياسىن جاسىل جەلەككە زيان تيگىزبەيتىندەي ەتىپ قاتاڭ ساقتاۋعا باقىلاۋدى كۇشەيتۋ تۋرالى تاپسىرما بەردى. اكىم ورىنباسارى سكۆەردىڭ تاريحي كەلبەتىن ساقتاۋ قاجەتتىگىنە باسا نازار اۋداردى. جۇمىستىڭ قارقىنىن كۇشەيتۋ ءۇشىن قوسىمشا جۇمىس كۇشىن تارتىپ، ورناتۋ جۇمىستارىن قىركۇيەكتە اياقتاۋدى تاپسىردى.
كەلەسى نىسان - مەملەكەتتىك مۇراجاي الدىنداعى سكۆەر بولدى. قازىرگى كەزدە بۇل اۋماقتا بولشەكتەۋ جۇمىستارى اياقتالعان، جارىقتاندىرۋ جۇيەسى ورناتىلعان، سۋبۇرقاق ءتۇبى بەتوندالىپ، سۋارۋ جۇيەسىنىڭ قۇبىرلارى سالىنعان. بۇدان ءارى كىشى ارحيتەكتۋرالىق پىشىندەردى ورناتىپ، كوگالداندىرۋ جۇمىستارىن جۇرگىزۋ جوسپارلانعان.
الماتى اكىمىنىڭ ورىنباسارى جۇمىس ساپارى بارىسىندا بايسەيىتوۆا كوشەسىنىڭ جامبىل كوشەسىنەن ساتبايەۆ كوشەسىنە دەيىنگى بولىگىن اباتتاندىرۋ جۇمىستارىمەن تانىستى. اتالعان اۋماقتا جارىق جۇيەسى ورناتىلىپ، كەسپەتاستار توسەلگەن، سۋارۋ جۇيەسىنىڭ قۇبىرلارى تارتىلعان. جۇمىستاردى قازان ايىنىڭ سوڭىندا اياقتاۋ جوسپارلانعان.
اسقار امرين ءاليا مەن مانشۇك اتىنداعى سكۆەردى اباتتاندىرۋ جوباسىمەن تانىستى. اكىم ورىنباسارى اپاتتى اعاشتاردى كەسەر الدىندا مامانداردى شاقىرىپ، جاسىل جەلەكتى تولىق تەكسەرىستەن وتكىزۋدى تاپسىردى.
قالا اكىمىنىڭ ورىنباسارى اباتتاندىرۋ جۇمىستارى جۇرگىزىلىپ جاتقان ورىنداردىڭ ءبىرى قازاق-بريتان تەحنيكالىق ۋنيۆەرسيتەتى جانىنداعى سولتۇستىك سكۆەرىنە دە باردى. ول مەردىگەر ۇيىم وكىلدەرىنە جۇمىس ساپاسىنا قاتىستى ءبىرقاتار ەسكەرتۋ جاساپ، قوسىمشا ماماندار شاقىرىپ، جۇمىس قارقىنىن كۇشەيتۋدى تاپسىردى.
ناتيجەسىندە اسقار امرين ەكولوگيا جانە قورشاعان ورتا باسقارماسىنا ەسكەرتۋ جاساپ، قىسقا مەرزىمدە بارلىق ولقىلىقتاردى رەتتەۋدى، ورناتۋ جۇمىستارىن قىركۇيەكتە اياقتاپ، بارلىق سكۆەرلەردى 1 قاراشاعا دەيىن قولدانىسقا بەرۋدى تاپسىردى.