بۇگىن قوستاناي وبلىسىنىڭ اۋليەكول قالاسىندا ورمان ورتىنەن زارداپ شەككەن ءوڭىر تۇرعىندارىنا جاڭا ۇيلەردىڭ كىلتتەرىن سالتاناتتى تۇردە تابىستاۋ ءراسىمى ءوتتى، دەپ حابارلايدى Almaty-akshamy.kz Egemen.kz-كە سىلتەمە جاساپ.
«ءبىر جارىم اي بۇرىن تۇتانعان ءورت ءوڭىرىمىز ءۇشىن اۋىر سىناق بولدى. جانتۇرشىگەرلىك ءورت ورمان مەن 91 ءۇيدى شارپىدى. ءبىزدىڭ باستى مىندەتىمىز ينفراقۇرىلىمدى قالپىنا كەلتىرىپ، ادامداردى ادەتتەگى ومىرىنە قايتارۋ بولدى»، - دەدى ايماق باسشىسى ارحيمەد مۇحامبەتوۆ.
قۇرىلىسىس جۇمىستارى تاۋلىك بويى جۇرگىزىلدى. جاڭا ۇيلەردى 12 مەردىگەر نەبارى ءبىر جارىم ايدىڭ ىشىندە سالىپ بەردى.
«از ۋاقىت ىشىندە بىرلىك سيمۆولدىق اتاۋىمەن ءبىرتۇتاس ارحيتەكتۋرالىق ۇلگىدە 91 ساپالى ءۇي سالىندى. ءار ءۇي 4 بولمەلى، جالپى اۋدانى 100 شارشى مەتردى قۇرايدى»، - دەپ قوستى ا.مۇحامبەتوۆ.
ءورت 2 قىركۇيەك كۇنى ساعات 15:10-دا اۋليەكول اۋدانىنا قاراستى باسامان جانە سەميوزەرنىي ورمان شارۋاشىلىعى اۋدانىندا باستالعان. ءورت باستالعاننان بەرى جالپى 43 مىڭ گەكتار جەردى الدى. سونداي-اق ەلدى مەكەندەردەگى 91 ءۇيدى شارپىدى.
قۇرىلىس جۇمىستارى ءۇي ءورتى تۋرالى حابارلاما تۇسكەننەن كەيىن بiردەن باستالدى. سونداي-اق ورتتەن زارداپ شەككەندەرگە باسپانا كەزەگىندە تۇرعانى ءۇشىن ميلليون تەڭگە كولەمىندە وتەماقى تولەندى.