ق ر پروفيلاكتيكالىق مەديسينا اكادەمياسىنىڭ پرەزيدەنتى الماز شارماننىڭ ايتۋىنشا، «وميكروننىڭ» ءوزى كوروناۆيرۋستىڭ وتە جۇقپالى نۇسقاسى بولىپ تابىلادى، دەپ حابارلايدى اlmaty-akshamy.kz inform.kz سىلتەمە جاساپ.
«جاڭا «وميكرون» شتامى «دەلتامەن» سالىستىرعاندا مىڭ ەسە جۇقپالى. دەگەنمەن، ول ينفەكسيا مەن العاشقى بەلگىلەردىڭ پايدا بولۋى اراسىنداعى قىسقا مەرزىممەن سيپاتتالادى. "وميكروننىڭ" اۋىر اسقىنۋدى از مولشەردە تۋدىراتىنى دا ايتىلادى. ول نەگىزىنەن جوعارعى تىنىس جولدارىندا شوعىرلانعان. وكپەگە سيرەك تۇسەدى. دەگەنمەن، قارت ادامدار مەن سوزىلمالى اۋرۋلارى بار ادامدارعا، سونداي-اق جاس بالالارعا ۇلكەن ءقاۋىپ تۋدىرادى. سوندىقتان بارلىق ساقتىق شارالارى قاجەت. سەبەبى ىندەتتىڭ جۇقپالىلىعىنان ناۋقاستار اۋرۋحاناعا ءالى كوپ تۇسەتىن بولادى. ءقازىر كوپتەگەن مەديسينا قىزمەتكەرلەرى دە اۋرۋ جۇقتىرۋدا. سول ءۇشىن بەتپەردە كيۋ، الەۋمەتتىك قاشىقتىقتى ساقتاۋ جانە ۆاكسينالاۋ رەجيمى ساقتالۋدا. وسى ورايدا بۋستەرلىك دوزاسى ەگدە جاستاعى ادامدار مەن سوزىلمالى اۋرۋى بارلارعا اۋىر زاقىمدانۋلاردىڭ دەڭگەيىن ايتارلىقتاي تومەندەتەدى دەگىم كەلەدى.
مەن «وميكروندى» قاتاڭ شەكتەۋلەردى قاجەت ەتەتىن سوڭعى ىندەت جانە بولاشاقتا پاندەميامەن كۇرەسپەيتىن بولامىز دەپ ۇمىتتەنەمىن»، - دەپ تۇيىندەدى پروفەسسور.