جالپىعا بىردەي دەكلاراسيالاۋ
ەگەر ءسىز جوعارىدا اتالعان تۇلعالاردىڭ ساناتىنان بولساڭىز، ءبىراق كاسىپكەرلىك قىزمەتتى جۇزەگە اسىرماساڭىز نەمەسە توقتاتا تۇرساڭىز وندا سىزگە زاڭدى تۇلعانىڭ نەمەسە دارا كاسىپكەردىڭ ورنالاسقان جەرى بويىنشا مەملەكەتتىك كىرىستەر ورگانىنا قىزمەتىن توقتاتۋ تۋرالى سالىق ءوتىنىشىن بەرۋگە كەڭەس بەرەمىز.
ول ءۇشىن جەكە كاسىپكەر نەمەسە زاڭدى تۇلعانىڭ باسشىسى ەكەنىڭىزدى، قىزمەتىن توقتاتقان نەمەسە ارەكەتسىز سالىق تولەۋشىلەردىڭ تىزىمىندە ەكەنىڭىزدى مەملەكەتتىك كىرىستەر كوميتەتىنىڭ ينتەرنەت-رەسۋرسىنىڭ ەلەكتروندىق سەرۆيستەرىنە كەلەسى سىلتەمەلەر بويىنشا ءوتىپ، تەكسەرۋگە بولادى www.kgd.gov.kz:
https://kgd.gov.kz/kk/services/taxpayer_search_unreliable/list
https://kgd.gov.kz/kk/services/taxpayer_search_unreliable
https://kgd.gov.kz/kk/services/taxpayer_search/entrepreneur
250.00-نىسانداعى سالىق ەسەپتىلىگىن مەملەكەتتىك كىرىستەر ورگاندارىنا 15-شىلدەدەن كەشىكتىرمەي - قاعاز تۇرىندە، ەلەكتروندى تۇردە - 15-قىركۇيەكتەن كەشىكتىرمەي «سالىق تولەۋشىنىڭ كابينەتى» (cabinet.salyk.kz) Web-قوسىمشاسى نەمەسە e-Salyq اzamat، ەGov mobile، Halyk ءموبيلدى قوسىمشالارى ارقىلى ۇسىنۋ قاجەت.
2024 جىلى 250.00-نىساندى ۇسىنعاننان كەيىن، 2025 جىلدان باستاپ بۇل تۇلعالار جىل سايىن كىرىستەر مەن مۇلىك تۋرالى دەكلاراسيانى (270.00-نىساندا) ۇسىنۋعا ءتيىس ەكەندىگىنە نازار اۋدارامىز.
دەكلاراسيانى ۋاقىتىلى ۇسىنباعانى ءۇشىن العاشىندا ەسكەرتۋ قاراستىرىلعان، ال ءبىر جىل ىشىندە قايتالاپ اتالعان زاڭ بۇزۋشىلىق جاسالسا - 15 اەك مولشەرىندە ايىپپۇل سالىنادى.