ق ر ءىىم ماقان ەسبولاتوۆ اتىنداعى الماتى اكادەمياسىنىڭ بازاسىندا ەسىرتكى پروبلەماسىنا جانە ولاردىڭ قوعامعا بەرەتىن اسەرىنە ارنالعان ماڭىزدى حالىقارالىق عىلىمي-پراكتيكالىق كونفەرەنسياسى ءوتتى.
بۇل ءىس-شاراعا قازاقستان، اقش، قىرعىزستان، تاجىكستان قۇقىق قورعاۋ ورگاندارىنىڭ، سونداي-اق بۇۇ، ءواواۇو وكىلدەرى، سونداي-اق ۇبپ باعدارلامالارىنىڭ ۇيلەستىرۋشىلەرى جانە باسقا دا ساراپشىلار قاتىستى، دەپ حابارلايدى Almaty-akshamy.kz Polisia.kz-كە سىلتەمە جاساپ.
وسىنداي جەتەكشى ۇيىمدار مەن اتقارۋشى قۇرىلىمداردىڭ قاتىسۋى ناشاقورلىق پروبلەماسىنىڭ جاھاندىق اۋقىمىن جانە ونى شەشۋ تاسىلدەرىندەگى بىرىگۋىنىڭ ماڭىزدىلىعىن اتاپ ءوتتى. كونفەرەنسيا بارىسىندا قاتىسۋشىلار ەسىرتكىنىڭ تارالۋىن بولدىرماۋعا جانە ولارعا سۇرانىستى ازايتۋعا باعىتتالعان ءتۇرلى تاسىلدەر مەن ستراتەگيالاردى تالقىلادى. اسىرەسە جاستار اراسىندا تانىمال بولا باستاعان سينتەتيكالىق ەسىرتكى ماسەلەسىنە ەرەكشە نازار اۋدارىلدى.
كونفەرەنسياعا قاتىسۋشىلار سينتەتيكالىق پرەپاراتتاردى ءوندىرۋ مەن تاراتۋداعى جاڭا “ترەندتەردى”، سونداي-اق ولاردىڭ دەنساۋلىق پەن قوعامعا اسەرىن تالقىلادى. سونىمەن قاتار ولاردى ءوندىرۋ مەن وتكىزۋدىڭ جولىن كەسۋ جونىندەگى شارالار، سونداي-اق جاستار مەن كامەلەتكە تولماعاندار اراسىندا ولاردى تۇتىنۋدىڭ الدىن الۋعا باعىتتالعان پروفيلاكتيكالىق ادىستەر تالقىلاندى.
قازاقستان رەسپۋبليكاسى ءىىم ەسىرتكى بيزنەسىنە قارسى كۇرەس دەپارتامەنتى باستىعىنىڭ ورىنباسارى باقىتجان ءامىرحانوۆتىڭ ايتۋىنشا، ەلدە ءبىر جىلدا شامامەن 3 مىڭعا جۋىق ەسىرتكى قىلمىسى جاسالادى، ونىڭ 60%-دان استامى ەسىرتكى ساتۋمەن بايلانىستى. 15-20 تونناعا جۋىق ءتۇرلى ەسىرتكى زاتتارى تاركىلەنەدى. اتاپ ايتساق، ەلىمىزدىڭ ەسىرتكىگە قارسى كۇرەس بويىنشا زاڭناماعا جاڭا تۇزەتۋلەر مەن وزگەرىستەر ەنگىزىلدى جانە وسى باعىتتا قىلمىستىق جاۋاپكەرشىلىك تە قاتايدى. كونفەرەنسيانىڭ باستى نازارىنىڭ ءبىرى ەسىرتكى جاعدايىنىڭ الدىن الۋعا جانە وعان قارسى كۇرەسكە، قوعامدىق ءتارتىپتى قامتاماسىز ەتۋگە تىكەلەي قاتىساتىن جوعارى بىلىكتى مامانداردى وقىتۋمەن جانە دايارلاۋدى جۇزەگە اسىراتىن ءىىم الماتى اكادەمياسىنىڭ ماڭىزدى ءرولىن جايىندا ايتىلدى.