بۇل ەلىمىزدىڭ بىرنەشە وڭىرىندە ساعات ءتىلىنىڭ اۋىسۋىنا بايلانىستى.
eGov.kz پورتالىنىڭ حابارلاۋىنشا، ءبىرىڭعاي UTC +05.00 ۋاقىت بەلدەۋىنە كوشۋگە بايلانىستى 29 اقپان كۇنى ساعات 22:00-دەن 1 ناۋرىز كۇنگى 02:00-گە دەيىن تەحنيكالىق جۇمىستار جۇرگىزىلەدى، دەپ حابارلايدى Almaty-akshamy.kz
سول ۋاقىتتا مىنا جوبالار قولجەتىمسىز بولۋى مۇمكىن:
– eGov.kz پورتالى جانە ونىڭ قۇرامداس بولىكتەرى؛
– egov mobile قوسىمشاسى؛
– «ە-نوتاريات» ءبىرىڭعاي نوتارياتتىق اقپاراتتىق جۇيەسى؛
– «تەحنيكالىق باقىلاۋ» ءبىرىڭعاي اقپاراتتىق جۇيەسى؛
– «e-Otinish» ەلەكتروندىق وتىنىشتەر قىزمەتى؛
– «ۇلتتىق اقپاراتتىق تەحنولوگيالار» اق جۇرگىزەتىن باسقا دا اقپاراتتىق جۇيەلەر مەن مەملەكەتتىك دەرەكقورلار.
ساعات ءتىلىن اۋىستىراتىن قالالار مەن وڭىرلەر:
استانا، الماتى، شىمكەنت قالالارى، اباي، اقمولا، الماتى، جامبىل، جەتىسۋ، قاراعاندى، قوستاناي، پاۆلودار، سولتۇستىك قازاقستان، تۇركىستان، ۇلىتاۋ جانە شىعىس قازاقستان وبلىسى.