قازاقستاندا جىل باسىنان بەرى 70-كە جۋىق سايت بۇعاتتالدى. وندا ەسىرتكىگە قاتىستى مالىمەتتەر بولعان. بۇل تۋرالى ءىىم ەسىرتكى قىلمىسىنا قارسى كۇرەس دەپارتامەنتىنىڭ جەدەل ۋاكىلى دانيار ورالوۆ مالىمدەدى، دەپ حابارلايدى اlmaty-akshamy.kz تengrinews.kz-كە سىلتەمە جاساپ.
ونىڭ ايتۋىنشا، ءىىم ماماندارى ەسىرتكىنىڭ تارالۋى تۋرالى اقپارات بار سايتتاردى، جازبالاردى، بلوگتار مەن جارنامالاردى انىقتاۋ ءۇشىن ينتەرنەتتى باقىلاپ وتىرادى.
ونىڭ ايتۋىنشا، 2022 جىلى «كيبەرنادزورعا» 1996 ەسىرتكى سايتى بۇعاتتاۋ ءۇشىن جىبەرىلگەن، ونىڭ 1493ء-ى بۇعاتتالعان.
«وسىلايشا، 2022 جىلى اۋماقتىق بولىمشەلەر تەلەكوممۋنيكاسيالىق جۇيەلەردى پايدالانا وتىرىپ، ەسىرتكىنى تاراتۋمەن اينالىسقان 632 ادامدى ۇستادى، ونىڭ ىشىندە 26-سى - چات-بوتتاردىڭ اكىمشىلەرى مەن ۇيىمداستىرۋشىلارى، 74ء-ى - ەسىرتىكىنى ءبولىپ، ساقتاۋشىلار، 364ء-ى - كۋرەرلەر، 58ء-ى - زەرتحانالاردى ۇيىمداستىرۋشىلار جانە 26-سى – گراففيتي سىزبالارىن قولدانۋعا ارنالعان ترافارەتشىلەر. بارلىعى 84 ينتەرنەت-دۇكەندەر مەن چات-بوتتار انىقتالدى.
جىلدىڭ باسىنان بەرى 179 ينتەرنەت-رەسۋرس بۇعاتتاۋعا جىبەرىلدى، 69-ى بۇعاتتالدى»، - دەدى دانيار ورالوۆ ىشكى ىستەر مينيسترلىگىندە وتكەن بريفينگ بارىسىندا.