بيىلعى بايقاۋدىڭ باستى ەرەكشەلىگى ەندى كۆوتا ءار سالا بويىنشا بولىنەدى.
كۇنى بۇگىنگە دەيىن ەلدە 60 مىڭنان استام جاس ءوتىنىش بەرسە، سونىڭ 400ء-ى رەزەرۆكە قابىلدانعان. ولاردىڭ 80 پايىزى ءقازىر سان سالادا لاۋازىمدى قىزمەتتەرگە تاعايىندالىپ، تابىستى ەڭبەك ەتىپ ءجۇر، دەپ حابارلايدى aqshamnews.kz.
بايقاۋ وسىمەن ءتورتىنشى رەت وتكىزىلىپ وتىر. ۇمىتكەرلەردى ىرىكتەۋ 6 كەزەڭنەن تۇرادى. قۇجاتتار ونلاين تۇردە قابىلدانادى. تىركەلۋ كەزىندە قاتىسۋشىلار التى سالالىق باعىتتىڭ ءبىرىن تاڭداۋى كەرەك. كوميسسيا شەشىمىمەن ىرىكتەۋدەن وتكەن 50 ۇزدىك جاس، كادرلىق رەزەرۆكە قابىلدانادى.
مۇرات بايسالوۆ، ق ر مەملەكەتتىك قىزمەت ىستەرى اگەنتتىگى وبلىستىق دەپارتامەنتىنىڭ باسشىسى:
وسىعان دەيىن ءۇش ىرىكتەۋ وتكىزىلگەن بولاتىن. 2019، 21، 23 جىلدارى وبلىسىمىزدان سول رەزەرۆكە ەنگەن ازاماتتار دا بار. قازىرگى تاڭدا وبلىسىمىزدا ءتورت رەزەرۆ جۇمىس ىستەپ جاتىر. اتالعان مەحانيزم جاستارعا الەۋمەتتىك ليفت رەتىندە قولدانىلاتىن قۇرالداردىڭ ءبىرى.