الماتى حالىقارالىق اۋەجايىنىڭ اكىمشىلىگى جولاۋشىلار مەن قوناقتارعا جوندەۋ جۇمىستارى جۇرگىزىلەتىنى تۋرالى ەسكەرتۋ جاسادى، دەپ حابارلايدى aqshamnews.kz
2025 جىلعى 23 مامىردان باستاپ ىشكى رەيستەر تەرمينالى (ت1) الدىنداعى اۆتوتۇراق ورىندارىن جاڭارتۋ جانە اسفالت توسەنىشىن اۋىستىرۋ جۇمىستارى باستالادى.
"جوندەۋ جۇمىستارى تۋريستىك پوليسيادان باستاپ پاندۋسقا كىرەبەرىسكە دەيىنگى اۋماقتى، سونداي-اق باس كىرەبەرىستەن پاندۋسقا دەيىنگى جۇرەتىن جولدى قامتيدى"، - دەپ حابارلادى الماتى حالىقارالىق اۋەجايى.
جوندەۋ جۇمىستارى كەزەڭ-كەزەڭىمەن جۇرگىزىلەدى.
"جوندەۋ كەزىندە اۆتوتۇراق ايماقتارىنىڭ كەيبىر بولىكتەرى ۋاقىتشا جابىلادى"، - دەلىنگەن حابارلامادا.
بارلىق جوندەۋ جۇمىسى ماۋسىم ايىنىڭ سوڭىنا دەيىن اياقتالادى دەپ جوسپارلانىپ وتىر.