ۇكىمەت جاردەماقىلارعا قاتىستى سۇراققا جاۋاپ بەردى، - دەپ حابارلايدى اqshamnews.kz ءتىلشىسى.
جۋرناليستتەر جاردەماقىنى 6 ساناتقا ءبولىپ جاتقانىنا قاتىستى سۇراق قويدى.
"رەسپۋبليكالىق بيۋدجەتتەن 41 الەۋمەتتىك تولەمدەر جاسادى. ءبىراق ءجۇرىپ جاتقان جوبا وعان اسەر ەتپەيدى. ودان بولەك جەرگىلىكتى اتقارۋشى ورگانداردا مەكتەپتە تاماقتاندىرۋ، جاتاقحانادان بولمە بەرۋ سياقتى 11 قوسىمشا مەملەكەتتىك قولداۋ كورەسەتىلەدى. ءقازىر ءبىز وسى كومەكتەردى سيفرلاندىرىپ جاتىرمىز. ونداعى ماقسات - مەملەكەتتىك قولداۋ ناقتى مۇقتاج وتباسىلارعا بەرىلۋى كەرەك. مۇندا 6 كلاستەر بەلگىلەنگەن. ماسەلەن، توتەنشە قاجەتتىلىك، ءجاي قاجەتتىلىك، سالىستىرمالى تۇراقتىلىق دەپ كەتە بەرەدى. ەڭ سوڭعى 6-كلاستەر مۇنداي كومەككە مۇقتاج ەمەس وتباسىلار ساناتىن بىلدىرەدى، ياعني، جوعارى ءال-اۋقاتتى دەپ ايقىندالادى دا، ولار مەملەكەتتىك قولداۋدى المايدى. سوندىقتان مۇنداعى وزگەرىستەر تەك مەملەكەتتىك قوسىمشا قولداۋعا قاتىستى جاسالىپ جاتىر. ۇردىستەر سيفرلاندىرۋ جانە بارلىق ۋاكىلەتتى ورگانداردىڭ ءبىرىڭعاي پلاتفورمادا جۇمىس ىستەۋى ماقساتىندا"، — دەپ جاۋاپ بەردى ەڭبەك جانە حالىقتى الەۋمەتتىك قورعاۋ ءبىرىنشى ۆيسە-مينيسترى اسقاربەك ەرتايەۆ.
ونى پرەمەر-مينيستردىڭ ورىنباسارى ەرمەك كوشەربايەۆ تولىقتىردى. ول مۇنداعى ماقسات - ەڭ ءبىرىنشى الەۋمەتتىك ادىلدىكتى ورناتۋ، ەكىنشى الەۋمەتتىك الاياقتىقتى توقتاتۋ ەكەنىن اتاپ ءوتتى.
"ءوزىڭىز بىلەسىز، بىزدە مەملەكەتتىك ورگاندار بار، ورتالىق نەمەسە جەرگىلىكتى ورگاندار بولسىن سيفرلاندىرۋ اياعىنا دەيىن جەتكىزىلمەگەن. كىمنىڭ نە ىستەپ جاتقانىن بازاسى ارقىلى تەكسەرە المايمىز. كوپ نارسەنى قاعازبەن الىپ كەلەدى. ونى جوبا بويىنشا تەكسەرگەندە ءبىرقاتار ماسەلەلەر انىقتالىپ جاتادى. مىسالى،ءبىر وتباسى جاعدايى قيىن دەپ سانالىپ، جەرگىلىكتى بيۋدجەتتەن، ورتالىق بيۋدجەتتەن جانە ساقتاندىرۋ قورىنان دا اقشا الىپ وتىرعان. ال ونى قالاي ىستەگەن؟ اۋەلدە ونى بىرەۋ "ءۇيى جوق، ماشيناسى جوق، كوپ بالالى وتباسى" دەپ جازىپ بەرگەن. ونى اپارىپ حقكو ارقىلى تىركەگەن. ال سيفرلاندىرۋ ءجۇرىپ بىرتە-بىرتە دەرەكتەر بازاسى ءبىر بىرىنە قوسىلعاندا ولاردىڭ ەكى قاباتتى ءۇيى بار، ەكى ماشيناسى بار ەكەنى انىقتالعان. كوپتەگەن تۇرمىستىق تەحنيكا العان نەسيەلەرى بولعان. مىنە، مۇنداعى ماقسات وسىنداي جاعدايلارعا جول بەرمەۋ، سيفرلاندىرۋ جانە سول اقىلى وڭتايلاندىرا وتىرىپ، الاياقتىققا بول بەرمەۋ"، — دەدى ول.