كەلەسى ايدان باستاپ ءموبيلدى بريگادالاردىڭ جۇمىس ءتارتىبى وزگەرەدى.
جەدەل جاردەمنىڭ كەلۋىن ۇزاق كۇتۋ بويىنشا شاعىمدارعا بايلانىستى جانە شۇعىل قىزمەت جۇمىسىنىڭ تيىمدىلىگىن ارتتىرۋ ماقساتىندا دەنساۋلىق ساقتاۋ مينيسترلىگى ەمحانالار جانىنداعى جەدەلدىلىكتىڭ 4-ساناتىنداعى شاقىرتۋلارعا قىزمەت كورسەتەتىن موبيلدىك بريگادالار جۇمىسىنىڭ قاعيدالارىنا وزگەرىستەر ەنگىزەدى، دەپ حابارلايدى aqshamnews.kz.
بۇل وزگەرىستەر اعىمداعى جىلدىڭ 1 مامىرىنان باستاپ كۇشىنە ەنەدى جانە ازاماتتاردىڭ 103 ءنومىرى بويىنشا شۇعىل كومەككە شاقىرتۋ قۇقىعىن شەكتەمەيدى.
جەدەلدىلىكتىڭ 4-ساناتىنداعى شاقىرتۋلار پاسيەنتتىڭ ءومىرى مەن دەنساۋلىعىنا تىكەلەي جانە ىقتيمال ءقاۋىپ جوق، پاسيەنتتىڭ ومىرىنە ءقاۋىپ توندىرمەيتىن، ءبىراق مەديسينالىق ارالاسۋدى قاجەت ەتەتىن جاعدايلارعا قاتىستى.
سونىمەن، 1 مامىردان باستاپ نە وزگەرەدى:
● ەمحانالاردىڭ جانىنداعى موبيلدىك بريگادالار جۇمىس ۋاقىتىندا — 8:00-دەن 20:00-گە دەيىن جۇمىس ىستەيتىن بولادى؛
● ومىرگە ءقاۋىپ توندىرمەيتىن جەدەلدىكتىڭ 4-ساناتىنداعى شاقىرتۋلار (مىسالى، جوعارى قىسىم، تەمپەراتۋرا، جەڭىل جاراقاتتار) ەمحانالاردىڭ جۇمىس ۋاقىتىندا مساك موبيلدىك بريگادالارىنا قايتا باعىتتالاتىن بولادى؛
● 20: 00-دەن كەيىن جانە دەمالىس كۇندەرى بارلىق شاقىرتۋلارعا، سونىڭ ىشىندە 4-ساناتقا، بۇرىنعىداي، جەدەل جاردەم بريگادالارى قىزمەت كورسەتەدى.
ستاتيستيكا كورسەتكەندەي، جەدەل جاردەم شاقىرتۋلارىنىڭ 50%-دان استامى جەدەلدىلىكتىڭ 4-ساناتىنا جاتادى جانە سوزىلمالى اۋرۋلاردىڭ ورشۋىنە بايلانىستى.
مۇنداي شاقىرتۋلار رەسۋرستاردىڭ جەدەل كومەككە مۇقتاج، ومىرىنە ءقاۋىپ توندىرەتىن جاعدايلارى بار پاسيەنتتەرگە بارا الماي قالاتىنىن مويىنداۋ كەرەك. وزگەرىستەر جۇكتەمەنى وڭتايلاندىرۋعا، كۇتۋ ۋاقىتىن قىسقارتۋعا جانە بۇكىل جمج جۇيەسىنىڭ تيىمدىلىگىن ارتتىرۋعا مۇمكىندىك بەرەدى.
ەندى مەديسينالىق-سانيتاريالىق العاشقى كومەكتىڭ موبيلدىك بريگادالارى شاقىرتۋلارعا شىعىپ، پاسيەنتتەردىڭ ۇيىنە جوسپارلى تۇردە بارۋدى جۇزەگە اسىراتىن بولادى. بۇل ازاماتتاردىڭ دەنساۋلىق جاعدايىن ۋاقتىلى باقىلاۋدى قامتاماسىز ەتۋگە، اسىرەسە سوزىلمالى اۋرۋلارى بار پاسيەنتتەردىڭ جاعدايىنىڭ ناشارلاۋىنا جەدەل دەن قويۋعا مۇمكىندىك بەرەدى.
مساك موبيلدىك بريگادالارى 25 مىڭ تۇرعىنعا ءبىر بريگادا ەسەبىنەن قۇرىلادى. ولار پاسيەنتتىڭ تۇرعىلىقتى جەرى نەمەسە بەكىتىلۋىنە قاراماستان ناقتى كەلگەن جەرى بويىنشا جۇمىس ىستەيدى.
قاجەت بولعان جاعدايدا موبيلدىك بريگادالارمەن ارنايى باعىتتاعى ماماندار دا بىرگە بولادى، اتاپ ايتقاندا بالالارعا كومەك پەدياتردىڭ قاتىسۋىمەن، ەرەسەكتەرگە — پاسيەنت جاعدايىنىڭ سيپاتى مەن اۋىرلىعىنا بايلانىستى ارنايى مامانداردى (كارديولوگتار، نيەۆروپاتولوگتار جانە باسقا دارىگەرلەر) تارتا وتىرىپ كورسەتىلەتىن بولادى. بۇل ءتاسىل جوعارى ساپالى اتاۋلى مەديسينالىق كومەك كورسەتەدى.
جەدەل جاردەمدى شاقىرتۋ مەحانيزمى وزگەرىسسىز قالادى - 103 ءنومىرىن تەرۋ ارقىلى ازاماتتار تاۋلىكتىڭ كەز كەلگەن ۋاقىتىندا شۇعىل مەديسينالىق كومەككە قوڭىراۋ شالا الادى. پاسيەنتتىڭ جاعدايى ومىرگە تىكەلەي ءقاۋىپ توندىرەتىن جاعدايلاردا جەدەل جاردەم بريگاداسى اپتانىڭ كۇنى مەن تاۋلىك ۋاقىتىنا قاراماستان كەلەدى.
مساك موبيلدىك بريگاداسىنىڭ شاقىرتۋعا كەلۋ ۋاقىتى - 60 مينۋتقا دەيىن. بارىنشا شۇعىل ساناتتار ءۇشىن مىناداي نورماتيۆتەر: 10 مينۋت — ءبىرىنشى، 15 مينۋت — ەكىنشى جانە 30 مينۋت — ءۇشىنشى ساناتتاعى شاقىرتۋلار ءۇشىن كوزدەلگەن.
وسى جىلدىڭ ءبىرىنشى توقسانىندا قازاقستاندا جەدەل جاردەم قىزمەتى 2، 1 ملن-نان استام شاقىرتۋعا قىزمەت كورسەتتى. ەڭ كوپ وتىنىشتەر جەدەلدىلىكتىڭ 4-ساناتى بويىنشا تىركەلدى-763 463 شاقىرتۋ، ونىڭ 518 مىڭنان استامىنا مساك موبيلدىك بريگادالارى قىزمەت كورسەتتى. 1-سانات بويىنشا شاقىرتۋلاردىڭ سانى 104 443، 2-سانات بويىنشا — 642 312، 3-سانات بويىنشا — 574 580 شاقىرتۋدى قۇرادى.
ەسەپتى كەزەڭدە ءساتتى رەانيماسيا كورسەتكىشى 55،6%-عا دەيىن ءوستى، بۇل شۇعىل كومەك كورسەتۋ رەتىندەگى وڭ ديناميكانى كورسەتەدى.
ق ر دەنساۋلىق ساقتاۋ مينيسترلىگى شۇعىل كومەككە مۇقتاج ءاربىر ادام ءۇشىن جەدەل مەديسينالىق كومەككە شاقىرتۋ قولجەتىمدى بولىپ قالاتىنىن اتاپ ءوتتى. وزگەرىستەر جۇيەنىڭ تيىمدىلىگىن ارتتىرۋعا، كۇتۋ ۋاقىتىن قىسقارتۋعا جانە بارلىق دەڭگەيلەردە مەديسينالىق كومەكتى جاقسارتۋعا باعىتتالعان.