1 جەلتوقساننان باستاپ قازاقستان ازاماتتارى، ماسكەۋدەگى حالىقارالىق اۋەجايلارعا (دومودەدوۆو، شەرەمەتيەۆو، ۆنۋكوۆو جانە جۋكوۆسكيي) جانە ورتا ازيا ايماعىنداعى ورىنبور وبلىسىنداعى ماشتاكوۆو اۆتوكولىك وتكىزۋ پۋنكتى ارقىلى رەسەيگە كىرگەن كەزدە بيومەتريالىق دەرەكتەرىن تاپسىرۋى مىندەتتى بولادى. بۇل كەزەڭ 2024 جىلعى 1 جەلتوقساننان 2026 جىلعى 30 ماۋسىمعا دەيىن جالعاسادى. بيومەتريالىق دەرەكتەرگە ادامنىڭ بەت الپەتى مەن ساۋساق ىزدەرى كىرەدى، دەپ حابارلايدى aqshamnews.kz
ەكىنشى كەزەڭ 2025 جىلدىڭ 30 ماۋسىمىنان 2026 جىلدىڭ 30 ماۋسىمىنا دەيىن رەسەيدىڭ بارلىق شەكارالىق وتكىزۋ پۋنكتەرىندە بۇل ەكسپەريمەنت كەڭەيتىلەدى. وسى كەزەڭدە ءاربىر شەكارادان ءوتۋشى شەتەلدىك ازاماتقا (قازاقستان ازاماتتارى دا قوسىلادى) ساندىق پروفيل جاسالادى. بۇل ءپروفيلدى RuID ءموبيلدى قوسىمشاسىندا ءوز بەتىمەن جاساۋعا بولادى. RuID قوسىمشاسى باسقا مەملەكەتتەردىڭ ازاماتتارىنا مەملەكەتتىك قىزمەتتەرگە قول جەتكىزۋ مۇمكىندىگىن ۇسىنىپ، ولار رەسەيدەگى ساپارى تۋرالى اقپارات بەرىپ، ءتۇرلى قىزمەتتەردى پايدالانا الادى (مىسالى، مەديسينالىق ساقتاندىرۋ راسىمدەۋ). ساندىق پروفيل رەسەيدىڭ مەملەكەتتىك جۇيەلەرىمەن، ونىڭ ىشىندە مەملەكەتتىك قىزمەتتەرمەن ينتەگراسيالانادى.
شەكارادان ءوتۋ كەزىندە قوسىمشا راسىمدەرگە دايىن بولۋ ماڭىزدى.
بۇل تاجىريبيە كەلەسى ادامدارعا قولدانىلمايدى:
- رەسەيدە اككرەديتتەلگەن ديپلوماتيالىق وكىلدىكتەر مەن حالىقارالىق ۇيىمداردىڭ قىزمەتكەرلەرى جانە ولاردىڭ وتباسى مۇشەلەرى؛
- ديپلوماتيالىق جانە قىزمەتتىك پاسپورت يەلەرى؛
- 6 جاسقا دەيىنگى بالالار.