باكۋدە ءوتىپ جاتقان بۇۇ-نىڭ كليماتتىڭ وزگەرۋى تۋرالى نەگىزدەمەلىك كونۆەنسياسى (COP29) تاراپتارىنىڭ 29-شى كونفەرەنسياسىندا قازاقستان كاربوندىق ەگىنشىلىكتى دامىتۋ جونىندەگى باستامانى كوتەردى.
بۇل تۋرالى اۋىل شارۋاشىلىعى مينيسترلىگىنىڭ رەسمي سايتىندا جاريالاندى، دەپ حابارلايدى aqshamnews.kz
ەستەرىڭىزگە سالا كەتەيىك، بۇۇ-نىڭ كليماتتىڭ وزگەرۋى تۋرالى نەگىزدەمەلىك كونۆەنسياسى تاراپتارىنىڭ 29-شى كونفەرەنسياسى شەڭبەرىندە وتكەن كليمات سالاسىنداعى ءىس-قيمىل جونىندەگى الەمدىك كوشباسشىلار سامميتىندە سويلەگەن سوزىندە، پرەزيدەنت قاسىم-جومارت توقايەۆ ورنىقتى اۋىل شارۋاشىلىعىنا كوشۋدىڭ ماڭىزدىلىعىن اتاپ ءوتتى.
مەملەكەت باسشىسى 200 ملن گەكتار اۋىل شارۋاشىلىعى القاپتارى بار قازاقستان «كومىرتەكتى ەگىنشىلىكتى»، ياعني قالدىقتاردىڭ شىعۋىن ازايتۋعا جانە توپىراق ساپاسىن جاقسارتۋعا مۇمكىندىك بەرەتىن اگرارلىق ءوندىرىستىڭ ادىستەرىن ەنگىزۋ ءۇشىن تاماشا الاڭ بولىپ تابىلاتىنىن اتاپ ءوتتى جانە مۇددەلى تاراپتاردى ەلدىڭ وسى سالاداعى الەۋەتىن زەردەلەۋگە شاقىردى.
ق ر اۋىل شارۋاشىلىعى مينيسترلىگى جەر رەسۋرستارىن باسقارۋ كوميتەتىنىڭ ءتوراعاسى مۇرات تەمىرجانوۆ «قازاقستانداعى كاربوندىق ەگىنشىلىك: الەۋەتىن اشۋ» تاقىرىبىنداعى سايد-يۆەنت بارىسىندا كاربوندىق ەگىنشىلىكتى ىلگەرىلەتۋدە قابىلدانىپ جاتقان شارالار تۋرالى ايتىپ بەردى.
«قازاقستاندا كاربوندىق ەگىنشىلىكتى دامىتۋ جاڭا تەحنولوگيالاردى عانا ەمەس، سونداي - اق زاڭنامالىق پىسىقتاۋدى تالاپ ەتەدى»، - دەپ اتاپ ءوتتى مۇرات تەمىرجانوۆ.
حالىقارالىق جانە ۇلتتىق ساراپشىلار قازاقستاندا كومىرتەكتى ەگىنشىلىكتى ەنگىزۋ پەرسپەكتيۆالارىن تالقىلاپ، قازاقستاننىڭ كومىرتەكتى ەگىنشىلىك ادىستەرىن ەنگىزۋ بويىنشا كوشباسشى بولۋعا بارلىق مۇمكىندىگى بار ەكەنىن قورىتىندىلادى. بۇل ەلدىڭ تەحنولوگيالىق قۇرىلىمىن جاڭارتۋعا جانە كوپتەگەن جۇمىس ورىندارىن قۇرۋ ءۇشىن ىقپالىن تيگىزۋى مۇمكىن.
ءىس-شارانى مينيسترلىك فاو-مەن بىرلەسىپ قازاقستان پاۆيلونىندا ۇيىمداستىردى.