سينوپتيكتەر قازاقستاندا 13، 14 جانە 15 اقپاندا اۋا رايى قانداي بولاتىنى تۋرالى بولجام جاسادى، - دەپ حابارلايدى اlmaty-akshamy.kz.
بولجام بويىنشا، 13-14 اقپاندا قازاقستاننىڭ باسىم بولىگىندە فرونتال بولىكتەر ىقپالىنان تۇراقسىز اۋا رايى ساقتالادى، جاڭبىر مەن قار تۇرىندەگى جاۋىن-شاشىن، سولتۇستىك وبلىستاردا قاتتى قار، بۇرقاسىن، كوكتايعاق، سونداي-اق باتىستا اۋا تەمپەراتۋراسى 5 گرادۋس اياز – 5 گرادۋس جىلى، سولتۇستىك، ورتالىق، شىعىس وبلىستاردا 5 گرادۋس اياز – 2 گرادۋس جىلىعا دەيىن كوتەرىلەدى دەپ كۇتىلەدى.
"ايدىڭ ورتاسىنا قاراي سيكلون قازاقستان اۋماعىنان شىعىپ، ونىڭ ورنىن اركتيكالىق انتيسيكلون باسادى، ونىڭ اسەرىنەن رەسپۋبليكانىڭ سولتۇستىك جارتىسىندا اياز بولادى. ەلىمىزدىڭ باتىسىندا، سولتۇستىك-باتىسىندا جانە سولتۇستىگىندە 15 اقپانعا قاراي اۋا تەمپەراتۋراسى تۇندە 22-32، كۇندىز 15-27 گرادۋس ايازعا بولادى دەپ كۇتىلەدى. ەلدىڭ قالعان بولىگىندە تەمپەراتۋرا فونىندا كۇرت وزگەرىستەر كۇتىلمەيدى"، - دەلىنگەن حابارلامادا.