Zardap shekken Qazaqstan azamattary týraly aqparat joq
Keshe Ystanbul kóshesinde jarylys jasady degen kúdikti ustaldy. Bul týraly Túrkıanyń ishki ister mınıstri Sýleıman Soılý aıtty, dep habarlaıdy Almaty-akshamy.kz QazAqparatqa silteme jasap.
Anadoly agenttiginiń málimetinshe, Sýleıman Soılý kúdiktini qalanyń Polısıa basqarmasynyń qyzmetkerleri ustalǵanyn málim etti.
Sondaı-aq Soılý bılikte Túrkıada terorıstik uıym retinde tanylǵan Kúrdistan jumysshy partıasynyń ókilderiniń shabýylǵa qatysqany týraly dálelder bar ekenin de jetkizdi.
Eske salsaq, keshe Ystanbuldyń Beıoglý aýdanyndaǵy Istıklál jaıaý júrginshiler kóshesinde jarylys boldy. Jarylystan 4 adam qaza taýyp, 38 adam jaralanǵany aldyn ala habarlandy.
QR Ystanbuldaǵy Bas konsýldyǵy Túrkıadaǵy qazaqstandyqtarǵa, ásirese adamdar kóp jınalatyn jerlerde barynsha saq bolýǵa keńes beredi.
Qazaqstannyń sheteldik ókildigi túrik bıligimen baılanysta. Zardap shekken Qazaqstan azamattary týraly aqparat joq.
Ystanbuldaǵy QR Bas konsýldyǵynyń baılanys telefony +90 212 662 53 49.