Jýyrda İshki ister mınıstrliginiń M.Esbolatov atyndaǵy Almaty akademıasynda halyqaralyq terorızmge qarsy Eýropalyq odaqtyń LEICA jobasynyń delegasıasymen kezdesý ótti.
Júzdesý barysynda Almaty akademıasynyń bastyǵy A.Saıtbekov Ortalyq Azıada quqyq tártibin qamtamasyz etýge baǵyttalǵan joba ókilderin elimizdiń ishki ister organdarynda júrip jatqan reforma barysymen jáne soǵan oraı atalǵan akademıada qolǵa alynyp jatqan tabysty jumystarmen tanystyrdy.
Sheteldik delegasıa atynan sóz alǵan Fransıa ishki ister mınıstrliginiń Ulttyq polısıa akademıasynyń halyqaralyq qatynastar jáne oqý isi jónindegi dırektory Loran Moskatello qazaqstandyq áriptesterine sáttilik tilep, atalǵan joba aıasynda yntymaqtastyq ornatýǵa ázir ekendikterin jetkizdi.
Eýropalyq delegasıa ókilderine Almaty akademıasy jaıly beınerolık pen slaıd kórsetildi. Akademıa aýmaǵynda fransýzdardyń Petank oıynyn oınaıtyn alańnyń ashylý saltanaty qonaqtar úshin kútpegen tosyn syı boldy. Oıyn alańynyń lentasyn akademıa basshysy A.Saıtbekovpen birge Fransıa İİM akademıasynyń halyqaralyq qatynastar jáne oqý isi jónindegi dırektory Loran Moskatello jáne LEICA jobasynyń dırektory Genael Le Breton qıdy.
Kezdesý barysynda Almaty akademıasynyń basshylyǵy men joba ókilderi ózara yntymaqtastyqty damytý týraly kelissózderge qol qoıdy.
Sheteldik meımandar QR İİM Almaty akademıasynyń aýmaǵyndaǵy general Maqan Esbolatovtyń eskertkishine gúl shoqtaryn qoıyp, BAQ ókilderine arnalǵan baspasóz máslıhatyna qatysty.