Almatyda Ortalyq Azıadaǵy energetıka men sý resýrstarynyń ınovasıalary men jańǵyrtylýy boıynsha halyqaralyq forým ótti. Atalmysh forým jumysyn QR Ulttyq Ǵylym akademıasy, Jasyl tehnologıalar men ınvestısıalardyń halyqaralyq ortalyǵy, Qazaqstan–Brıtan ýnıversıteti uıymdastyrdy.
Memleket basshysy Qasym-Jomart Toqaev bıylǵy jylǵy halyqqa arnaǵan Joldaýynda «Úkimet sýdy paıdalanýdy retteý jáne ony únemdeý tehnologıasyn engizý jumysyn yntalandyrý úshin naqty sheshimder ázirleýge tıis» dep naqty kórsetken edi.
Búginde Ortalyq Azıa elderi 2030 jylǵa qaraı ornyqty damý maqsatyna qol jetkizý úshin ekonomıkalyq qaıta qurýlarǵa keshendi tásilderdi qoldaný arqyly qol jetkizýge bolatynyn aıqyn túsinip otyr. Máselen, taıaýda ǵana Orta Azıa memleketteriniń basshylarynyń qatysýymen Túrkmenbashy qalasynda ótken keńeste kóliktranzıt, saýda, týrızm, ınovasıalyq, energıa únemdeıtin, elektrondy tehnologıalar men ózge de basymdyqtardy engizýdiń mańyzdylyǵy týraly jan-jaqty talqylaǵan edi. Úsh kúnge sozylǵan forým barysynda qatysýshylar Ortalyq Azıa elderinde energetıkalyq, sý jáne jer resýrstaryn tıimdi damytýdyń joldaryn talqylady.
Sonymen qatar, jańartylǵan energıa kózderi, energıany kóp qajet etetin salalardy dekorbonızasıalaý, sýmen baılanysty salalardaǵy ózekti máseleler de áńgime ózegine aınaldy. Jeke jáne qarjy sektorlary óz kózqarastaryn bildirip, múmkindikter týraly óz oılaryn ortaǵa saldy. Forým jumysynda QBTÝ rektory m.a. (Basqarma tóraǵasy) Maratbek Ǵabdýllın, BUU EEK atqarýshy hatshysynyń orynbasary Dmıtrıı Marásın, Soltústik jáne Ortalyq Azıa Sýbóńirlik keńesiniń basshysy Nıkolaı Pomoshnıkov, «BankSentrKredıt»AQ Dırektorlar keńesiniń jáne Baqylaý keńesiniń tóraǵasy Baqytbek Baıseıitov, taǵy basqa da qatysýshylar sóz sóıledi.
Jalpy, halyqaralyq forýmnyń basty maqsaty – 2030 jylǵa deıingi kezeńde Ortalyq Azıada turaqtylyqty qamtamasyz etip, ekonomıkalyq yntymaqtastyq pen jasyl tehnologıalardyń damý salasyndaǵy sheshimderdi qolǵa alyp, tetikterin naqtylaý. Sondaı-aq, forýmdaǵy usynystar jaqyn arada bolatyn Orta Azıa ekonomıkalaryna arnalǵan baǵdarlamanyń Basqarýshy keńesiniń otyrysynda jan-jaqty talqylanatyn bolady.