Kóktemgi vıtamın tapshylyǵy: almatylyqtarǵa aǵzany qalaı dárýmendermen tolyqtyrýǵa bolatyny aıtyldy
Maýsym aýysqan kezde adamda dárýmen tapshylyǵy týyndaıdy, adamdardyń 80% - na deıin osyǵan ushyraıdy. Bul týraly Almaty qalasynyń Óńirlik komýnıkasıalar qyzmetiniń brıfıńinde №11 qalalyq emhana dırektorynyń orynbasary Almash Ardabaeva aıtty, dep habarlaıdy almaty-akshamy.kz.
Vıtamın tapshylyǵy densaýlyqtyń nasharlaýyna, ımýnıtettiń tómendeýine jáne sonyń saldarynan aýrýlarǵa ákelýi múmkin.
ÓKQ sarapshysy «vıtamın tapshylyǵy» degennen góri, bul qubylysty «gıpovıtamınoz» - aǵzadaǵy dárýmenderdiń tómen deńgeıi dep ataǵan durys deıdi. Bul klımattyń erekshelikterine, ómir saltyna jáne taǵamǵa degen talǵamǵa tikeleı baılanysty.
Kóktemgi vıtamın tapshylyǵynyń belgileri:
- apatıa jáne buryn lázzat alǵan nárseler men áreketterge qyzyǵýshylyqty joǵaltý;
- sýyq tıý jáne murynnan sý aǵý jıileıdi;
- bir nemese birneshe sozylmaly aýrýlardyń órshýi;
- uıyqtap ketý qıyndaıdy, al tańerteń uıqydan turý odan da qıyn bolady;
- túnde saǵat 2:30-dan 3:30-ǵa deıin jıi oıaný;
- teride bezeýdiń paıda bolýy nemese teriniń shamadan tys qurǵaýy;
- shashtyń synýy jáne tyrnaqtyń bólinýi;
- ish qatý, buzylý jáne gastrıt túrinde asqazan-ishek joldarynda buzylystyń paıda bolýy;
- qyzyl ıektiń kenetten qanap ketýi;
- zeıinniń bolmaýy;
- bastyń jıi aýyrýy;
- qulaqtyń shýlaýy jáne jeńil bas aınalý.
«Osy tizimdegi keminde eki belgi bolsa, ol kóktemgi avıtamınozben jedel kúresý qajettigin bildiredi», - dedi Almash Ardabaeva.
Kóktemgi vıtamın tapshylyǵy eresekterde ǵana emes, balalarda da kórinedi. Osy kezeńde adamnyń ózin qalaı sezinetinine mán berý kerek.
Deneniń «vıtamındik» ál - aýqatynyń mańyzdy kepildikteriniń biri – ol durys jáne teńdestirilgen tamaqtaný.
Sarapshy dıetaǵa kóbirek balyq, jańa syǵylǵan shyryndar, túrli kókónister, jemister men shópterdi qosýdy usynady. Konservilengen taǵamdardan bas tartqan jón. Aǵzadaǵy dárýmenderdiń deńgeıin baqylaý mańyzdy.
Teńdestirilgen dıetadan basqa, taza aýada jıi serýendeý jáne turaqty sporttyq jattyǵýlar vıtamın tapshylyǵyn jeńýge kómektesedi.
«Esińizde bolsyn, vıtamın tapshylyǵynyń nazardan tys qalǵan belgileri aýrýhanaǵa jatqyzýǵa deıin aparatyn medısınalyq aralasýdy qajet etetin aýyr aýrýlarǵa ákelýi múmkin», - dep eskertti ol.
Dárýmen tapshylyǵy saldarynan bolǵan angına (tonzılıt), sýyq tıý belgileri, murynnyń bitýi, qulaqtyń qabynýy (otıt) sıaqty aýrýlardan emdelýde Lor-dáriger kómektesedi.