Vedomstvo basshysy álemde pıaz baǵasy tómendegenin alǵa tartty.
Aýyl sharýashylyǵy mınıstri Aıdarbek Saparov pıaz eksporty tómendegenin aıtty, dep habarlaıdy almaty-akshamy.kz.
Vedomstvo basshysynyń sózinshe, bıyldan bastap mınıstrlik ındıkatıvti jospardy oblys ákimdikterine jetkize bastady.
"Buryn mundaı bolmaǵan. Pıazǵa keletin bolsaq, shynynda da aldyńǵy jyldary baǵa qymbattap ketip, sharýashylyqtar aınalysa bastady. Jalpy álemde onyń baǵasy tómen túsip qaldy. Óıtkeni eksport ta tómendep qaldy. Aldyńǵy jyly 180 myń eksportqa jiberetin bolsaq, bıyl – 117 myń. Eksportymyz 70 myńǵa tómendep qaldy. İshki suranys ta azaıdy. Sondyqtan baǵa tómendep ketti. Oǵan qaramastan jumystar jalǵasyp jatyr. Saýda jáne ıntegrasıa, Kólik mınıstrlikterimen birge jumys istelinýde. Qazir bul pıazdyń 160 myńyn satý kerek. Grýzıa, Ázerbaıjanmen kelisimshart bar", - dedi mınıstr Úkimet otyrysynda ótken brıfıńte.
Aıta ketý kerek, osyǵan deıin qoǵam belsendisi Sanjar Boqaev Almaty oblysynda pıaz shirip jatqanyn áleýmettik jelide habarlaǵan bolatyn.