Fransıa astanasy Parıjde alaýy tutanatyn Jazǵy Olımpıa oıyndarynyń bastalýyna da sanaýly aılar qaldy.
Jankúıerler taǵatsyzdana kútken tórt jyldyqtyń basty sporttyq oqıǵasy bıyl 26 shilde men 11 tamyz aralyǵynda ótedi. Fransıa jerindegi dodaǵa álemniń 205 elinen 10 myńnan astam sportshy qatysady dep josparlanǵan, dep habarlaıdy almaty-akshamy.kz.
Parıjdegi básekede 32 sport túrinen 329 medal jıyntyǵy sarapqa salynady. Qazaqstan ulttyq quramasy sporttyń 20 túrinen qatysýdy josparlap otyr. Qazirgi tańda Qazaqstan delegasıasynyń qorjynynda Parıj Olımpıadasynyń 11 sport túrinen 31 lısenzıasy bar (boks (erler) – 6, nysana kózdeý – 5, sadaq atý – 4, semserlesý – 4, tas joldaǵy velosport – 3, qazirgi bessaıys – 2, taekvondo – 2, boks (áıelder) – 1, grek-rım kúresi – 1, erkin kúres – 1, sporttyq gımnastıka – 1, batýttaǵy gımnastıka – 1). Lısenzıa sanyn óńirler úlesine bóler bolsaq, Almaty, Shymkent qalalary men Jetisý oblysy úzdik nátıjemen kósh bastap tur. Úsheýiniń de enshisinde bes joldamadan bar. Keıingi oryndarǵa SHQO (4), Astana qalasy (3), Jambyl (2), SQO (2), Aqmola (1), Qyzylorda (1), Abaı (1), Qaraǵandy (1) jáne Túrkistan oblystary (1) jaıǵasqan. Al qalǵan óńirlerde Olımpıadanyń birde-bir joldamasy joq.
Aıta keteıik, Olımpıa oıyndaryna deıin áli 50-den asa lısenzıalyq jarys bar. Onyń ishinde sportshylarymyz álem chempıonattary, Azıa chempıonattary jáne reıtıńtik týrnırlerge qatysady.